espiga

1. [BOT]
   1. s f

      Inflorescencia, e logo infrutescencia, de flores sésiles dispostas en acios simples, como por exemplo a dos cereais.

   2. espiga composta

      Espiga en que en lugar de flores ten espigas de segunda orde, como a dalgunhas poáceas.

   3. espiga raíña/do rei

      Espiga de millo que ten os grans encarnados.

2. s f

   1. Extremo ou parte saínte dun obxecto, normalmente alongado e máis rebaixado ca o resto, que encaixa noutro.

      Sinónimos: espigo.

   2. Parte da ferramenta que se introduce nun mango.

      Sinónimos: espigo.

   3. Parte do eixe do carro que se introduce na roda.

      Sinónimos: espigo.

   4. Parte máis estreita do cabezallo do carro.

      Sinónimos: espigo.

   5. Parte máis estreita do chanzo dunha escaleira de caracol pola que se une ao eixe da mesma.

3. s f

   Labor que se fai nalgúns sollados cando se colocan as ringleiras en dirección ás diagonais do local.

4. s f [PESCA]

   Aparello de pesca empregado na captura do polbo que consiste nunha espiga de millo amarrada a un cordel e que se arrastra polo fondo do mar, ben coa embarcación en movemento ou parada. Ás veces pode levar amarrado á espiga outro cordel fino ou brazolada cun ou dous anzois co fin de enganchar algún peixe durante o proceso de arrastre.

Frases feitas

• Esas espigas non van para o meu canastro. Non estar de acordo ou non ter nada que ver co que se fala.

• Non está a espiga na man. Aínda non se acadou o que se desexaba.