¹ falla

1. s f

   Feito de carecer de algo que se precisa.

   Ex: A falla de chuvias provocou a escaseza de auga.

   Sinónimos: carencia, falta.
2. s f

   Feito de non estar presente unha persoa ou cousa no lugar que lle corresponde.

   Ex: Notouse a falla de moitos veciños na reunión.

   Sinónimos: falta.
3. s f

   Defecto de algo ou alguén.

   Ex: As pezas non poden ter ningunha falla.

   Sinónimos: falta, imperfección.
4. s f [XEOG]

   Discontinuidade ou fractura entre dous bloques de rocha na codia terrestre, a partir da que se desprazaron en paralelo ou un respecto do outro por mor de presións tectónicas. Nunha falla distínguense: o plano de falla, sobre o que se efectúa o desprazamento; a liña de falla, que é a liña de contacto entre os dous bloques sobre a superficie; o espello de falla, que é a porción do plano de falla que queda ao descuberto por riba da liña de falla; e os labios de falla, que son as superficies do antigo bloque separadas pola falla (un erguido e outro afundido). Pola súa dirección, fálase de falla directa e de falla inversa, na que o plano de falla está inclinado na dirección do bloque levantado.

Frases feitas

• Á falla/falta de loc prep En caso de carecer de algo.

• Botar en falla/ falta. Estrañar algo ou a alguén.

• Facer falla/falta. Necesitar algo.