horario -ria

(< lat horarĭu)

adx
Relativo ou pertencente á hora.
s m
1. Cadro que indica a relación de actividades e a súa distribución entre as horas do día.
  
  Ex: No taboleiro colocaron o horario de exames.
2. Distribución das horas de traballo ou das actividades dunha persoa.
  
  Ex: O seu horario laboral é bastante flexible. O horario de atención ó público é das 10 ás 14 horas.
3. Relación das horas de saída e chegada dun medio de transporte.
  
  Ex: Chamou á estación para preguntar polo horario de trens.
s m
Agulla do reloxo que indica as horas, máis curta ca o minuteiro.
s m ángulo horario [ASTRON]
Arco do ecuador celeste, contado en horas e en sentido retrógrado, desde o punto de intersección do ecuador co plano meridiano do lugar cercano ao círculo horario do astro.

Palabras veciñas