Manrique de Lara

Liñaxe da nobreza castelá que se constituíu dunha rama da familia dos Lara. O seu fundador foi Rodrigo Pérez Manrique , señor de Amusco e meiriño maior no reinado de Afonso VIII. A liñaxe resistiu a crise do s XIV e converteuse nunha das máis sólidas na época dos Trastámara. Tierra de Campos foi o núcleo dos seus dominios, pero a súa influencia estendeuse posteriormente á rexión septentrional de Castela. A familia continuou coas ramas laterais de Castañeda-Aguilar de Campoo, que foron sucesivamente condes de Castañeda e marqueses de Aguilar de Campoo. Os membros da rama colateral foron condes de Treviño e duques de Nájera. A última descendencia da familia ostentou o título de conde de Paredes de Nava.