marxinal

(< marxe)

1. adx
  Relativo ou pertencente á marxe.
2. adx
  Que está á marxe dun escrito ou dun impreso.
  
  Ex: Teño unha anotación marxinal no traballo que lle presentei ó profesor de ciencias.
3. adx
  Que é secundario ou accesorio.
  
  Ex: A pesar de que era marxinal, ó final tivemos que facer o traballo.
4. adx e s
  Que ou quen se afasta das leis da sociedade en que vive.
  
  Ex: As persoas marxinais non respectan as normas establecidas. Un grupo de marxinais provocou disturbios na rúa.
[ECON]
1. adx
  Aplícase á unidade de produción, en competencia perfecta, en que o custo e o prezo de venda dos produtos son iguais, é dicir, que non hai beneficios.
2. eficacia marxinal
  Incremento do beneficio que os inversores esperan obter da aplicación dunha unidade máis do capital investido. Este concepto, introducido por J. M Keynes, non é fácil de determinar pola dificultade que supón considerar illadamente unha unidade de capital.
adx [ENTOM]
Aplícase á zona ou bordo externo das ás dos insectos, a máis alonxada do tórax.

Palabras veciñas