nemertino -na

Relativo ou pertencente aos nemertinos.

Metazoo do filo dos nemertinos.

Filo de animais metazoos triploblásticos que se caracterizan basicamente pola posesión dunha trompa ou probóscide retráctil de lonxitude máis ou menos igual ao resto do corpo do animal. A lonxitude do corpo é moi variable, posto que vai desde algúns milímetros ata os 20 m ou máis, pero non sobrepasa nunca os 10 mm de anchura. Son carnívoros e cazan as presas coa trompa. Case todos son mariños; algúns habitan en augas doces ou ben na terra húmida, e poucas especies son parasitas. A clasificación baséase na posición dos cordóns nerviosos respecto á parede do corpo, e tamén segundo a trompa sexa armada ou inerme, así, resultan as clases anoploides ou anoplas (inermes) e enoploides ou enoplas (armadas).