Podente, pazo de

Construción situada en Esporiz (Monterroso). Consta de varias edificacións con planta en forma de L e dous andares. A construción orixinal sufriu numerosas reformas para orientarse con fins de labranza e para a modernización das vivendas. Destaca o corredor con balaústre da parte posterior e os escudos situados nas entradas principais coas armas dos Salgado e dos Rivera.