repetidor -ra

Aparato que amplifica e retransmite os sinais eléctricos aplicados á súa entrada, para compensar as perdas que se producen durante unha transmisión. Emprégase en telefonía, telegrafía, radiocomunicacións ou televisión. En telefonía e telegrafía son de baixa frecuencia (ou de frecuencias vocais) ou ben de alta frecuencia. Segundo o medio de transmisión, cómpre incluír os repetidores de radioenlace e de coaxial. En televisión son pequenos equipos que amplifican os sinais recibidos e os volven emitir con máis potencia, e reciben tamén o nome de reemisores.