romper

1. v t

   1. Dividir unha cousa en anacos máis pequenos.

      Ex: Rompeu o prato. Caeu e rompeu un brazo.

      Sinónimos: partir.

   2. Facer nunha cousa unha abertura ou un buraco.

      Ex: Sempre rompe os zapatos polo mesmo sitio. Rompeu a camisa no arame.

2. v t

   Facer cesar a continuidade dun estado, un proceso ou unha relación.

   Ex: Romperon as negociacións co sindicato.

3. v t

   Interromper a continuidade dun corpo fluído ao atravesalo.

   Ex: O iate rompía as ondas.

4. v t

   Labrar por primeira vez unha terra para poñela en cultivo.

   Ex: Rompeu o monte para botar centeo.

5. v t

   Desfacer unha fila as persoas que a forman. OBS: Xeralmente emprégase na expresión militar rompan filas.

6. v i

   1. Quedar unha cousa en anacos máis pequenos.

      Ex: O xoguete rompeu ao caer. A póla rompeu co vento.

      Sinónimos: partir.

   2. Quedar unha cousa separada por unha abertura.

      Ex: Rompeulle o pantalón nunha perna.

7. v i

   Interromperse ou anularse un proceso, un estado ou unha relación.

   Ex: Onte rompeu co mozo.

8. v i

   Comezar a saír algunha cousa por algún sitio sobre o que se abre paso.

   Ex: A auga rompeu pola presa e inundou os prados.

9. v i

   Comezar a agromar unha planta.

   Ex: As flores rompen coa chegada da primavera

10. v i

    Desfacerse as ondas do mar en escuma ao bater contra algunha cousa.

    Ex: As ondas rompen no peirao.

Frases feitas

• 2 Causar molestia a alguén.

• Romper a + infinitivo. Indica o comezo da acción que expresa o infinitivo.

• Romper a cabeza 1 Facer un grande esforzo.