Forno dos Mouros

Anta de corredor situado en Couzadoiro (Ortigueira) na Serra Faladoira. Presenta unha cámara poligonal da que se conservan sete ortostatos chantados verticalmente, inclinados cara ao interior e cunhas dimensións de 3,20 x 3,00 m e unha altura aproximada de 3 m, e un corredor formado por dúas lousas. Malia terse conservado restos do túmulo que envolvería o conxunto, este carece de cuberta, característica que fai pensar, xunto á ausencia de calquera tipo de enxoval, nunha expoliación.