Balandrán, El

Periódico satírico de Pontevedra que apareceu o 4 de abril de 1903. Cesou no segundo número. Os medios anticlericais da cidade de Pontevedra botaban á rúa este “periódico de circunstancias”, un xogo satírico e antixesuítico de vida efémera porque o gobernador civil suspendeu a súa publicación pola excitación reinante. O clima antixesuítico foi consecuencia da axitación clericalista e católica que trouxo a estrea de Electra de Pérez Galdós.