entrar

1. v i Antónimos: saír.

   1. Pasar algo ou alguén ao interior dun lugar.

      Ex: Entrei no portal porque chovía. Entramos na cidade polo sur. 

      Antónimos: saír.

   2. Pasar algo ou alguén por un lugar para dentro doutro.

      Ex: O ladrón entrou pola ventá. 

      Antónimos: saír.

   3. Comezar alguén o traballo diario.

      Ex: Entramos ás 7:30 da mañá. 

      Antónimos: saír.
2. v i

   Introducirse ou penetrar unha cousa no interior doutra.

   Ex: O cravo non entrou na táboa. Esta chave non entra na pechadura. 

3. v i

   Caber unha cousa ou unha persoa por un sitio.

   Ex: O coche novo non entra pola porta do garaxe. O anel xa non me entra no dedo. 

   Sinónimos: coller.
4. v i

   Ser alguén admitido nun lugar.

   Ex: Non deixo que esa xente entre na miña casa. 

5. v i

   Estar no inicio dun período temporal.

   Ex: Hoxe entra o verán. Entrou na pubertade. O seu pai entra nos cincuenta. 

6. v i

   Incorporarse a unha institución, corporación, grupo ou actividade.

   Ex: O ano vindeiro entrarán no exército. Entrou nunha secta. Entrou na empresa familiar. 

   Antónimos: saír.
7. v i

   1. Formar parte ou estar na constitución ou composición de algo.

      Ex: No caldo entra todo o que lle queiras botar. 

      Sinónimos: caber, coller.

   2. Constituírse un conxunto dun determinado número de elementos.

      Ex: Non sei cántas patacas entran nun quilo. 

      Sinónimos: caber, coller.
8. v i

   Estar incluída unha cousa noutra.

   Ex: Estas preguntas non forman parte do exame. 

9. v i

   Intervir ou tomar parte en algo.

   Ex: De seguida entrarei nese tema. Non entro na conversa. 

10. v i

    Pasar a estar nun tempo, nunha situación ou estado.

    Ex: A lei entrou en vigor. O enfermo entrou en coma. Non entra en razón. Entrou en calor ó meterse na cama. 

11. v i

    Comezar a notarse certa sensación.

    Ex: Entrou nunha grave depresión. Entroulle fame. 

12. v i

    Ser asimilado e entendido algo pola mente.

    Ex: As matemáticas non lle entran. 

13. v i

    Ser algo crible ou comprensible.

    Ex: Non sei en qué cabeza entra facer o que ti fixeches. 

14. v i

    Invadir pola forza un territorio.

    Ex: O exército inimigo entrou na cidade. 

15. v i [MÚS]

    Iniciar un cantante ou instrumentista unha intervención no curso dunha peza musical.

16. v i [INFORM]

    Executar unha operación ou iniciar unha aplicación.

Frases feitas

• Entrar/Pasar polo aro. Transixir.

• Non entrar nin saír. Non opinar sobre un tema. Ex: Na túa vida non entro nin saio.