malo -la

1. adx

   Que non ten as calidades esixibles á súa natureza ou función.

   Ex: Estes pantalóns saíronme moi malos.

   Sinónimos: ruín. Antónimos: bo.
2. adx

   Que non é como convén ou como gustaría que fose.

   Ex: Dixeron que fará un día malo.

   Sinónimos: ruín.
3. adx

   Que é prexudicial ou que ten consecuencias negativas.

   Ex: O exceso de alcohol é malo para a saúde.

   Antónimos: bo.
4. adx

   Que non posúe as calidades morais que se consideran positivas.

   Ex: Todos sabemos que es unha mala persoa.

   Antónimos: bo.
5. adx

   Que está enfermo.

   Ex: Púxose mala e non puido ir traballar.

   Sinónimos: doente. Antónimos: bo.
6. adx

   Que está estragado, especialmente referido a alimentos.

   Ex: Non uses estes ovos que poden estar malos.

   Antónimos: bo.
7. adx

   Que ofrece algunha dificultade.

   Ex: Parece un encargo malo de facer.

   Sinónimos: difícil. Antónimos: bo, fácil.
8. adx

   Que causa pena ou sufrimento ou que anuncia unha desgracia.

   Ex: É un mal sinal que aínda non teñamos noticias. 

   Antónimos: bo.
9. adx

   Que tende a facer trasnadas ou que é inquieto.

   Ex: Era tan malo que pasou o día castigado. OBS: O adxectivo ten unha forma apocopada mal que se emprega diante dos substantivos masculinos. Ex: É un mal amigo, que nunca está cando o necesitas. 

   Antónimos: bo.

Frases feitas

• Ás/polas malas Á forza

• Nin un mal.../nin unha mala... Úsase en expresións negativas para indicar a carencia de algo. Ex: Non nos deu nin unha mala propina.

• . Estar de malas. Estar de mal humor.

• De mala gana. Estar a disgusto.

• Pensar no mal. Ser precavido.

• Picar no mal. Ser enganado e burlado.