abandonar

1. v t

   Deixar desamparado algo ou a alguén.

   Ex: Abandonou a familia sen dar ningún tipo de explicacións.

   Sinónimos: desamparar. Antónimos: amparar, protexer.
2. v t

   Deixar vacante un cargo.

   Ex: Abandonou a presidencia porque estaba canso do seu mandato.

   Sinónimos: dimitir, renunciar. Confrontacións: cesar, depoñer.
3. v pron

   Entregarse sen reserva ás inclinacións naturais, a unha paixón ou a un vicio.

   Ex: Abandonáronse ó xogo e acabaron arruinados.

4. v t

   Renunciar a algo .

   Ex: Despois de vinte anos abandonou a profesión de escritor.

5. v t

   Deixar en poder de alguén ou de algo.

   Ex: Os soldados abandonaron a cidade á súa sorte, sen preocuparse dos feridos .

6. v t

   Partir dun lugar.

   Ex: Abandonaron o país por motivos políticos.

   Sinónimos: deixar, marchar.
7. v t [XOGO/DEP]

   Retirarse dun xogo ou dunha competición deportiva, en sinal de protesta ou por incapacidade física, antes de rematar por razóns non previstas e alleas ao regulamento.

   Ex: Abandonaron a partida porque non estaban de acordo coas normas.

8. v pron

   Non preocuparse do aseo persoal.

   Ex: Despois da súa separación abandonouse tanto que semella un baldreo.

Frases feitas

• Abandonar este mundo. Morrer.