acender

1. v t

   Facer que algo comece a arder, comunicar lume ou provocar combustión.

   Ex: Hai que acender o lume para non pasar frío pola noite.

   Sinónimos: prender. Antónimos: apagar.
2. v i e pron

   Comezar a arder ou acenderse un lume.

   Ex: Cando se acendeu a fogueira comezou a quentarse o ambiente. Non lle acende a pipa porque o tabaco está mollado.

   Sinónimos: prender.
3. v t

   Facer que unha persoa actúe con violencia ou provocar nela fortes e incontrolables desexos.

   Ex: Aquel manifesto acendeu os ánimos dos traballadores.

   Sinónimos: acalorar, quentar. Confrontacións: exaltar, excitar.
4. v pron

   Facerse máis violento.

   Ex: Ó marchares da reunión a discusión acendeuse e non se chegou a ningún acordo.

5. v t

   Causar ardor.

   Ex: A calor sufocante acendeulle as meixelas.

6. v pron

   Poñerse rubio, dunha cor distinta na cara.

   Ex: Cando lle preguntaron directamente acendeuse todo.

7. [TECNOL/FÍS] Antónimos: apagar.
   1. v t

      Facer que se poña incandescente o filamento dunha bombilla ao facer pasar unha descarga eléctrica nun fluorescente co fin de producir luz, pechando, por medio dun interruptor, o circuíto de alimentación.

      Ex: Acenderon todas as luces da casa ao chegaren.

      Sinónimos: prender. Antónimos: apagar.
   2. v t

      Facer que unha cousa comece a funcionar, accionando un mecanismo (un motor, unha máquina, un aparello electrónico, etc).

      Ex: Acendeu a radio, aínda que por culpa da antena non se escoitaba moi ben.

      Sinónimos: prender. Antónimos: apagar.
   3. v pron

      Botar luz algo ou pórse en funcionamento.

      Ex: As alarmas do coche acendéronse e o ladrón fuxiu.

   4. v i

      Iluminarse ou pórse en marcha un mecanismo.

      Ex: Estivo comprobando se acendía o motor.

Formas incorrectas