acomodar

1. v t

   Dispoñer algunha cousa ou persoa de forma cómoda ou conveniente.

   Ex: Non puido acomodar a súa familia no seu apartamento porque era moi pequeno.

2. v t

   Poñer en orde.

   Ex: Acomodou os libros no faiado da casa.

   Sinónimos: arrombar, colocar. Antónimos: descolocar.
3. v t

   Poñer algo en consonancia con certas circunstancias ou obxectivos.

   Ex: Acomodou as súas palabras ó entendemento dos rapaces.

   Sinónimos: adaptar, adecuar, axustar.
4. v pron

   Adaptarse a unha situación, lugar ou espacio.

   Ex: Ó entrar nas covas acomodámonos deseguido á escuridade.

5. v pron

   Colocarse alguén de xeito cómodo.

   Ex: Ó chegar á miña casa acomodeime no sofá e quedei durmida lendo un libro.

6. v pron

   Adaptarse algo ou alguén a circunstancias concretas.

   Ex: A proposta non se acomoda ó noso gusto e non aceptamos as condicións.

Frases feitas

• Acomodar o gando. En sentido figurado, refírese ao traballo que hai que realizar.

• Acomodarlle de facer algo. Vir ben.

• Acomodarse aos tempos. Aceptar novos costumes e formas de actuar ou pensar.