adiantar

1. v t

   Mover cara a adiante algunha cousa.

   Ex: Os manifestantes adiantaron as súas posicións percorrendo todas as rúas da vila.

   Sinónimos: avanzar.
2. v pron

   Moverse cara a adiante, poñerse máis adiante.

   Ex: Adiantouse do grupo e botou a correr.

3. v t

   Dar celeridade ou impulsar unha actividade de xeito que avance cara ao seu fin.

   Ex: Dende que cambiaron de director o proxecto adiantou moito.

   Sinónimos: acelerar, progresar, prosperar.
4. v t

   1. Poñerse por diante de alguén.

      Ex: Adiantei a Suso na liña de meta.

   2. [TRANSP]

      Pasar un vehículo a outro por diante que xa está en circulación.

      Ex: Ó adiantalo souben que era o teu coche.

   3. Avantaxar, sobrepasar en intelixencia.

      Ex: É o máis adiantado da clase.

5. v t

   Facer que algunha cousa sexa antes do previsto, anticiparse a unha data.

   Ex: Adiantaron a saída do avión.

   Antónimos: adiar, aprazar, atrasar, delongar, pospoñer, postergar, retardar, atrasar.
6. v pron

   Producirse un feito antes do previsto.

   Ex: Este ano adiantouse o verán.

7. v t

   Poñer a disposición de alguén cartos por anticipado ou antes do tempo establecido.

   Ex: Devolveu os cartos que lle adiantaron.

   Sinónimos: anticipar.
8. v t

   Mover as agullas do reloxo de xeito que marquen unha hora posterior á que sinalaban,  ou ben unha hora que aínda non é, ao funcionar un reloxo máis rápido do correcto.

   Ex: Cada ano na primavera adiantamos o reloxo unha hora.

   Antónimos: atrasar, atrasar.
9. v i

   Ir cara a adiante, progresar nunha empresa, nunha carreira, etc.

   Ex: A ciencia adiantou moi rapidamente no século XX.

   Sinónimos: avanzar, progresar.

Refráns

• De mÍn a mÍn o que dá primeiro, campa.
• O que dá logo, dá dúas veces.
• Ó que mal che quere facer cóllelle a dianteira, se pode ser.
• O temperán, ou en palla ou en gran.
• Quen antes chega, está primeiro.