alcanzar

1. Concello da provincia de Teruel, Aragón, á beira do Guadalupe (12.679 h [1996]). Industrias derivadas da agricultura e de material refractario. Ten pinturas rupestres nas que se poden recoñecer as catro fases da arte rupestre levantina. Ramón Berenguer lV de Barcelona reconquistouno definitivamente no 1157. Afonso l de Aragón cedeu Alcañiz aos cabaleiros de Calatrava, que estableceron alí a encomenda de Aragón. Carlos I concedeu no 1526 unha Carta Magna que independizaba a vila da tutela dos cabaleiros. Os privilexios e as franquicias foron suprimidos no 1591. O castelo domina a vila. Lonxa (s XV). Colexiata comezada no 1736.

2. v t

   Chegar ata unha persoa ou cousa que vai diante.

   Ex: Alcancei o teu irmán en bicicleta co meu coche en dous minutos.

   Sinónimos: coller.
3. v t

   Ser capaz de comprender e percibir algunha cousa.

   Ex: Non alcanzo a entender o seu comportamento do outro día.

   Sinónimos: lograr, conseguir.
4. v t

   Coller unha cousa que está nun lugar alto ou distante estirando a man ou servíndose dalgún instrumento.

   Ex: Alcancei o libro de Rousseau que estaba no moble do salón.

   Sinónimos: abranguer, acadar, atanguer.
5. v t

   Chegar ao fin que se propón, a obter o que se desexa.

   Ex: Quería ser famoso e alcanzou a sona en pouco tempo.

   Sinónimos: acadar, lograr, obter, conseguir.
6. v t

   Chegar a tocar algunha cousa ou a alguén lanzando un proxectil.

   Ex: Alcanzeille a cabeza cunha pedra que lancei dende o outro lado da rúa.

7. v t

   Referíndose a un acontecemento ou a unha persoa, ter vivido ou ser contemporáneo do tempo ao que se fai referencia.

   Ex: O meu bisavó alcanzara a Guerra de Cuba e sempre estaba a contar historias emocionantes.

8. v t

   Chegar a ter unha idade determinada.

   Ex: Alcanzou os noventa en plenitude de facultades físicas e psíquicas.

   Sinónimos: acadar.
9. v i

   Abondar ou ser suficiente unha cantidade determinada.

   Ex: A fin de mes nunca lle alcanza o soldo de funcionario que ten.

   Sinónimos: chegar.

Frases feitas

• Alcanzar a + infinitivo. Ter a capacidade de. Ex: Non alcanzamos a entender os seus estrataxemas.

• Alcanzar coa vista. Chegar a percibir algo que se sitúa afastado. Ex: Xa alcancei coa vista a praia de Rodeira en Cangas.