alongar

1. v t

   Facer máis longo algo no espazo ou no tempo engadíndolle algunha cousa, estirándoo, facéndoo durar.

   Ex: Alongaremos as nosas vacacións tanto como nos sexa posible.

   Sinónimos: prolongar. Antónimos: abreviar, acurtar, reducir.
2. v pron

   Prolongarse algo máis do previsto.

   Ex: Alongouse a reunión ata ben entrada a noitiña.

3. v t

   Aumentar a distancia con respecto a un punto determinado.

   Ex: O seu interese por esa muller brasileira alongouno definitivamente de Galicia.

   Sinónimos: afastar, apartar, arredar.
4. v pron

   Afastarse na distancia con respecto a un punto de orixe.

   Ex: Quixo marchar de vacacións para alongarse da súa familia.

5. v t

   Facer máis longo un discurso, un escrito, etc.

   Ex: O relator alongou a conferencia e o público aburriuse moito.

Frases feitas

• Alongar o camiño. Facer que algo sexa máis longo ou complicado.