amiotonía

Falta de ton muscular.

Síndrome caracterizada por un grupo de trastornos que se dan en nenos que presentan as extremidades fláccidas e frouxas, con dificultades para aprender a sentarse e a camiñar durante a primeira infancia; pero que máis adiante melloran espontaneamente e alcanzan unha recuperación bastante boa ou total. Non se coñecen as causas. Tamén se coñece baixo o nome de enfermidade de Oppenheim e, ultimamente, hipotonía conxénita benigna.