apostólico -ca
(< apóstolo)
-
Relativo ou pertencente aos apóstolos, de acordo coas súas doutrinas e coa súa tradición.
Ex: Os apóstolos realizaron un gran labor apostólico.
-
Relativo ou pertencente ao Papa.
Ex: Durante a santa misa recibiu a bendición apostólica.
-
adx e s
[RELIX]
Nome co que se designaban a si mesmos os seguidores dalgunhas sectas e congregacións que pretendían imitar a vida dos Apóstolos. Entre elas contaron diversas comunidades gnósticas dos ss II-IV, a secta fundada en Parma por Xerardo Segarelli no s XIII e algúns anabaptistas do s XVI.
-
Partido Apostólico
[HIST/POLÍT]
Partido que se formou en España tralo levantamento liberal de 1820. Os apostólicos representaban a facción máis reaccionaria dos absolutistas, que se separaron de Fernando VII, por consideralo liberal e provocaron, en 1827, a Revolta dos agraviados, agrupándose ao redor do infante Carlos Mª Isidro, a quen apoiaron ao constituír a base do partido carlista.