ascite

Acumulación de líquido na cavidade peritoneal que, se é suficientemente abundante, determina unha inchazón do abdome. Xeralmente, o líquido provén dos vasos sanguíneos e prodúcese por un ou por máis dos tres mecanismos seguintes: aumento da permeabilidade dos capilares do peritoneo, aumento da presión hidrostática dos capilares do fígado e diminución da presión coloidosmótica do plasma. A análise da composición do líquido é importante con vistas ao diagnóstico do mecanismo de produción das doenzas causais.

Presencia de bile no peritoneo por lesión das vías biliares.

Presencia de sangue na ascite.

Infección da ascite; o líquido é rico en leucocitos polimorfonucleares.

Ascite debida a doenzas pancreáticas. Caracterízase polo seu elevado contido de amilasas.

Ascite formada por líquido quiloso, abundante en lípidos.

Presencia de ouriños na cavidade peritoneal, por determinadas lesións do ril ou das vías urinarias.