axeitar

1. v t

   Facer que algo se axuste ás pretensións establecidas.

   Ex: Tiven que axeitar os meus costumes ó horario laboral.

   Sinónimos: adecuar, axustar.
2. v t

   Poñer cada cousa no lugar que lle corresponde ou a xeito.

   Ex: Hai que axeitar o salón antes de que cheguen os invitados. Axeita ese vestido que o puxeches revirado.

   Sinónimos: arrombar, ordenar.
3. v t

   Facer cadrar ou encaixar dúas pezas distintas.

   Ex: A modista axeitoulle as mangas ó vestido que lle levei.

4. v pron

   Resultar conveniente, adecuada unha cousa.

   Ex: O que me propós non se axeita á idea que eu tiña.

5. v pron

   Adaptarse alguen a facer algo en determinadas circunstancias.

   Ex: Non me dou axeitado ó novo traballo. Axeiteime pouco a pouco a vivir na nova casa.

6. v pron

   Darse alguén maña para facer algo.

   Ex: Axéitase moi ben como fotógrafo.

7. v t e pron

   Poñer(se) algo ou alguén limpo e aseado.

   Ex: Axeitou o can para saír á rúa. Axeitouse e o seu aspecto cambiou por completo.

Refráns

• A carne de lobo, dente de can.
• A tal tempo, tal tento.
• Acá como acá e alá como alá.
• Alí como alí e aquí como aquí.
• Cal o tempo, tal o tento.
• Facer O que todos ou non andar con todos.
• Na terra dos lobos, oubear coma todos.
• Na terra en que morares, axéitate como poidas.
• Ó son que che toquen, baila.
• Os ruís e os tizós nunca ben os compós.
• Por onde fores, fai como vires.
• Segundo me tocan, bailo.
• Toma o tempo segundo vén.
• Vai cos da feira e volve cos do mercado.
• Vivir como se pode e non como se quere.
• ¡Baila, Antón, que para iso che fan o son!