cabina

Cámara ou espacio, xeralmente de dimensións reducidas, illado do resto dunha instalación, vehículo ou aparato desde o que unha ou máis persoas exercen o mando sobre algún mecanismo. Como exemplos cómpre destacar a cabina de control destinada ao control dos sinais e das agullas nos ferrocarrís, ou a cabina de gravación ou de proxección empregada en estudios, salas de audición ou en salas cinematográficas. No que respecta a vehículos ou aparatos, fálase da cabina dun camión, dun avión, dunha astronave, dun ascensor, etc.

Local, xeralmente de pequeno tamaño, acondicionado para cambiarse de roupa.

Cámara pequena destinada a dormitorio ou espacio habitable dunha embarcación. Algúns iates de grandes dimensións dispoñen de cabina de proa, salón e cabina de popa.

Parte habitable dun avión destinada á pasaxe.

Caseta ou compartimento que ten no seu interior un teléfono público, situado en locutorios ou na vía pública.