Cal

Apelido de orixe toponímica. Este topónimo pode remitir á existencia no lugar dunha antiga rúa ou vía (neste caso procede do latín calle ‘rúa, senda’) ou dun canal para conducir a auga (aquí vén do latín canale ‘canal’). Documéntase no s XV: “Roy de Caal” (doc ano 1483 en Emilio Duro Peña Catálogo de los documentos privados en pergamino del Archivo de la Catedral de Orense 888-1554, 1973, p 343). Unha variante deste apelido é Dacal que conserva a preposición indicativa de procedencia ou lugar de residencia. Presentan a mesma orixe ca este apelido Canle e Canal.