capar

1. v t

   1. Extirparlle a un animal os seus órganos de reprodución, os testículos no macho e os ovarios na femia, ou privar a estes mesmos órganos da súa capacidade de reprodución ou de fecundación.

      Ex: Houbo que capar a porca para evitar as súas tempadas de celo.

      Sinónimos: castrar. Confrontacións: esterilizar.

   2. Privar as persoas da capacidade reprodutiva.

      Ex: A súa muller sempre o ameazaba dicíndolle que o había capar.

      Sinónimos: castrar. Confrontacións: esterilizar.
2. v t

   Extraer o mel das entenas das abellas deixando o imprescindible para que poidan fabricar máis e alimentarse.

   Ex: Onte pola mañá capou a colmea que ten no campo.

   Sinónimos: castrar, esmelgar.
3. v t

   Cortar algunha planta ou os seus rebentos ou ramas a rentes, especialmente as leitugas para os animais.

4. v t

   Deixar curta, estreita ou escasa unha prenda de vestir.

   Ex: Capoulle tanto o vestido que agora non lle serve nas cadeiras.

5. v t

   Facer que se malogre algunha cousa.

   Ex: O accidente que sufriu capou os seus anhelos de chegar a ser un gran deportista.

6. v t [XOGO]

   No xogo da brisca ou do tute, collerlles aos contrincantes o tres do pau de trunfo co ás.

Frases feitas

• Capar a alguén o cuco. Estar alguén en xexún cando se oe o canto do cuco por primeira vez no ano. OBS: Nalgunhas zonas de Galicia é sinal de mal agoiro e tamén oír o canto do paspallás, da rola ou do sapo.

• Mentres se capa non se asubía/Mentres que se capa non se rapa. Mentres que se fai unha cousa non se pode facer outra ao mesmo tempo.