carmín

Pigmento extraído dos corpos secos das cochinillas femia, de cor moi semellante e propiedades pitóricas parecidas ao carmesí, de ton máis claro e matiz menos azulado. Debe as súas propiedades colorantes ao ácido carmínico, que con alumina forma unha laca alumínica.

Colorante básico, de cor carmín, específico das nucleoproteínas, que normalmente se utiliza mesturado con alume ou sales amónicos, que actúan como mordente, e con outros colorantes. Permite realizar tinguiduras en bloque e é moi persistente.

Colorante a base de carmín e ácido acético que actúa ao mesmo tempo como fixador. Emprégase especialmente para tinguir os cromosomas.