carocho

(

s m
1. [BOT]
  Espiga do millo que non madurou de todo e presenta un tamaño reducido e uns grans ralos e pequenos.
  
  Ex: Ó sacarlle o esterco ó porco dálle uns carochos para que se entreteña.
  Sinónimos: carroucho, caruncho, codroso. Confrontacións: espigallo.
2. Parte interior da mazaroca á que están unidos os grans.
  
  Ex: Encendeu o lume cuns carochos e uns garabullos.
  Sinónimos: cadolo, cadrozo, canoto, carolo, carozo.
s m [ALIM]
1. Anaco de pan que se corta por unha beira da bola.
  
  Ex: Pedinlle unha miga de pan e deume un carocho ben grande.
  Sinónimos: cantelo.
2. Anaco de pan duro e con codia.
  
  Ex: Bótalle un carocho ó can que está morto de fame.
  Sinónimos: carolo, codelo.
3. Anaco de pan de trigo con ovos e azucre que recibían os veciños dalgunhas aldeas, de parte dos noivos, o día do casamento.
  
  Ex: Os noivos repartían carochos entre os seus convidados.
  Sinónimos: canelo, regueifa.
s m
Termo do latín dos chafoutas, ou xerga dos albaneis, e do verbo dos daordes, ou xerga dos telleiros, que corresponde á voz ‘tabaco’.

Palabras veciñas