chanzo

1. s m

   Cada unha das pezas horizontais dunha escaleira, onde se pisa cando se sobe e baixa.

   Ex: As escaleiras da casa que están a construír teñen quince chanzos.

   Sinónimos: banceira, banzo.
2. s m

   Travesa horizontal dunha escada, onde se apoian os pés.

   Ex: Non collas esa escada que lle faltan algúns chanzos.

   Sinónimos: banceira, banzo.
3. s m

   Travesa dunha grade.

   Ex: Cada un dos chanzos da grade leva varios dentes para remover a terra.

4. s m

   Listón de madeira colocado horizontalmente nunha cancela ou nun portelo.

   Ex: O coello intentaba escapar do cazador, pero quedou atrapado nos chanzos da cancela.

5. s m

   Cada un dos diferentes niveis nos que se sentan os espectadores dun estadio, dun anfiteatro ou doutra instalación semellante.

   Ex: Pintaron de verde os chanzos do pavillón de deportes. Colocaron asentos de plástico nos chanzos do estadio de fútbol.

Formas incorrectas