chea

1. s f

   Aumento do caudal dunha corrente de auga, principalmente dun río. Na tradición recóllense refráns como: “Cando os regos teñen chea, nunca limpa a auga levan. Val máis unha chea que vinte/cen lambizos”.

   Ex: Houbo unha nova chea do río ó seu paso por Caldas de Reis.

   Sinónimos: enchente, riada.
2. s f

   Exceso ao comer.

   Ex: Collín unha chea na cea á que fomos.

   Sinónimos: enchente, farta, pancha.
3. s f

   Exceso ao beber.

   Ex: Vinos os dous cunha chea que case abaneaban.

   Sinónimos: bebedeira, bebedela, borracheira, chispa.
4. s f

   Abundancia de algo. OBS: Nesta acepción emprégase antecedido do artigo indeterminado. Ex: Nesta rúa sempre hai unha chea de coches mal aparcados.

   Ex: Nesta rúa sempre hai unha chea de coches mal aparcados.

Frases feitas

• Ás cheas. De forma abundante.