cheirar

1. v t

   Aspirar o aire polo nariz para sentir o cheiro dalgunha ou de alguén.

   Ex: Despois de cheirar a roupa boteina toda a lavar.

   Sinónimos: ulir.
2. v i

   Desprender cheiro algunha cousa ou alguén. OBS: O significado deste verbo pode depender do adverbio, ben ou mal, que o acompañe. Cando non vai acompañado de adverbio equivale, nalgunhas zonas de Galicia, a ‘cheirar mal’. Na tradición oral recóllense ditos como: “Máis vale cheirar de vivo a merda, que de morto a incenso e cera”.

   Ex: Abre a xanela porque aínda cheira a verniz.

   Sinónimos: ulir. Confrontacións: recender.
3. v i

   Sospeitar algo que se produce de forma oculta. Ex: A historia que contou cheira a mentira.

   Ex: A historia que contou cheira a mentira.

4. v i

   Provocar sospeitas. Ex: O negocio que che propuxo non me cheira nada ben.

   Ex: O negocio que che propuxo non me cheira nada ben.

5. v i

   Andar investigando algunha cousa que non lle atinxe á persoa que o fai. Ex: Sempre anda cheirando na vida dos demais.

   Ex: Sempre anda cheirando na vida dos demais.

6. v i

   Enfastiar algo por ser repetitivo.

   Ex: Está sempre berrando e xa me cheira.

   Sinónimos: causar, encher, fartar.

Frases feitas

• A pouco que se achegue cheira a peixe. Aplícase cando se lle ven as intencións a unha persoa.

• Cheirar a can. Resultar sospeitosa algunha cousa ou algún asunto.

• Cheirar á vurrualla/ó purriasco. Aplícase ao que ten un cheiro desagradable e intenso.

• Cheirar ao cobre. Ser moi caro.

• Cheirar mal/cheirar a (ó) chamusco. Resultar sospeitoso.

• Cheirar o alento. Ser algo moi caro.

• Nin cheira nin fede. Nin unha cousa nin outra.

• Nin cheiralo. Nada de nada.

• Todo che/lle cheira, nada che/lle ole. Aplícase a quen adoita protestar por todo.