"AGN" (Contén)

Trastorno do recoñecemento, de orixe cerebral. O enfermo non é quen de identificar os obxectos que ve (agnosia visual), as palabras (cegueira verbal), as melodías ou palabras que escoita (agnosia auditiva, xordeira verbal), os obxectos que toca (astereoagnosia), partes do propio corpo (somatoagnosia), as fisonomías (prosopagnosia). A agnosia relativa á linguaxe é a afasia.

Esterol triterpénico, con tres enlaces dobres, que se atopa na graxa da la.

O agnosticismo renuncia a saber todo o que reborda os límites do noso coñecemento. O agnosticismo ten unha base científica-positiva que considera inalcanzable para o noso coñecemento alén do que a ciencia permite, non aceptando máis verdade ca a que está sustentada polo método científico e, polo tanto, están en contra da noción absoluta e de calquera metafísica construída sobre esta noción. Neste sentido, preséntase como unha doutrina exclusivamente científica ao introducir unha limitación aos seus propios obxectos de coñecemento e negar o carácter científico da metafísica. O agnosticismo abrangue todas as filosofías que sustentan que a cousa en si é inasequible para a intelixencia humana: idealismo absoluto de Berkeley, empirismo de Hume ou empiriocriticismo de Mach e Avenarius, que reducen o ser á representación do mesmo; ou o idealismo transcendental de Kant ou o positivismo de Comte e Spencer, que entenden que só podemos coñecer os fenómenos da cousa en si. O termo foi introducido por...

Xénero de artrópodos da clase dos trilobites, integrada por especies de pequenas dimensións, duns 8 mm, característicos do Cámbrico medio.

Alexandre o Grande.

Pracer sexual asociado a unha dor provocada (sadismo) ou sufrida (masoquismo).

Arresto do Papa Bonifacio VIII en Anagni, o 7 de setembro de 1303, promovido por Filipe IV de Francia, ameazado de excomuñón polo Papa, e a familia Colonna. O Papa, liberado pola xente de Anagni, morreu ao pouco tempo.

Tratado concertado en Anagni, en xuño do 1295, entre o Papa Bonifacio VIII e os embaixadores de Xaime II de Aragón, Filipe IV de Francia e Carlos II de Nápoles. Puxo fin aos conflitos xurdidos a partir da conquista de Sicilia polos cataláns. As cláusulas esenciais foron: devolución de Sicilia á Santa Sé, restitución das Baleares ao Rei de Mallorca, e retorno das conquistas feitas en Italia a Carlos II, así como tamén dos reféns mutuos.

Nome dado polos retóricos clásicos, dentro do teatro grego e latino, ao recoñecemento dun feito ou persoa por parte das personaxes, o que lle dá á obra un xiro decisivo e conduce o argumento ao desenlace (por exemplo, o recoñecemento de Orestes por Electra). A anagnórise pasou a outros xéneros e foi chamada tamén agnición e recoñecemento.

Novela xuvenil de María Victoria Moreno publicada no 1988. A través das súas páxinas e duns diálogos vivos e ocorrentes, a autora conta a experiencia de Nicolau Arís, un rapaz que un día decide marchar a Madrid en auto-stop, fuxindo dos seus problemas persoais, para encontrarse cuns amigos relacionados co mundo das drogas. A viaxe faina cunha muller, Xulia Andrade, que o recolle ao pé da estrada; na súa compaña coñécese a si mesmo mergullando no seu interior, aprende a gozar da vida e a valorar as cousas e as persoas e descobre o que é o amor, a amizade e a morte. Foi editado por Galaxia na colección Árbore (1988).

Magnetismo que presentan algúns metais, aliaxes e os sales dos elementos de transición (como o FeO, MnO, MnO2), nos que a susceptibilidade magnética é moi baixa pero medra coa temperatura. Por debaixo da temperatura de Neel, os átomos ordénanse espontaneamente presentando spins antiparalelos (momentos magnéticos opostos), de xeito que o momento resultante é nulo e evidencia pouco magnetismo exterior. Por riba da temperatura de Neel o material vólvese paramagnético. Un campo magnético intenso pode chegar a transformar o antiferromagnetismo en ferromagnetismo ( magnetismo).