"AVI" (Contén)

PERSOEIRO

Filólogo e profesor. Prolífico estudoso da cultura e lingua galega. Realizou estudos eclesiásticos no mosteiro de Oseira, que abandonou en 1960 ao ser expulsado xunto a outros compañeiros acusados de galeguismo e de querer fundar unha congregación independente. Como consecuencia, saíu de Galicia e viaxou por Francia, Alemaña e residiu en Navarra, Madrid e Lisboa. A finais de 1984 volve definitivamente a Galicia.
Licenciado en Filosofía pola Universidade de Comillas (1973), Filosofía e Letras pola Universidade Complutense de Madrid (1975), Filoloxía Románica (1978), obtivo o grao de Diplomado en Cultura e Lingua Portuguesa pola Universidade de Lisboa (1976). Traballou na Universidade de Vigo (1990-1994) como profesor de Didáctica da Lingua e Literatura Galega. No 1998 presentou e súa tese de doutoramento A fala dos Concelhos de Trasmirás e Qualedro.
Exerceu como...

GALICIA

Atleta especializado en carreiras de fondo. Entre os seus maiores logros salientan a participación en tres finais dos Xogos Olímpicos: en México 1968 nos 3000 m obstáculos (11º clasificado) e en Múnic 1972 nos 5.000 e 10.000 m lisos (10º e 12ª clasificado respectivamente). Proclamouse campión mundial militar dos 3.000 m obstáculos en 1964. Acadou nos Campionatos de Europa en Pista Cuberta do ano 1969 a medalla de prata e a de bronce no 1970, ambas as dúas nos 3.000 m lisos. Nos Xogos do Mediterráneo gañou as medallas de ouro nos 3.000 m obstáculos en 1967 e nos 5.000 e 10.000 m lisos en 1971. En nove ocasións foi campión de España (5 de 5000 m lisos, 2 de 3.000 m obstáculos e outras 2 de 30 km ruta). Conseguiu 15 plusmarcas estatais; en 2.000 m lisos, 3.000 m lisos e obstáculos, 5.000 e 10.000 m lisos. Recibiu a insignia de ouro e brillantes do seu club, o Real Club Celta de Vigo. Militante do PS de G-PSOE, entre 1983 e 1995 foi concelleiro de deportes na corporación municipal viguesa.

PERSOEIRO

Catedrático de Teoloxía Escolástica (1816). Presidiu a Academia de Sagrada Teoloxía e interveu no alistamento do Batallón Literario. No 1811 fundou o semanario compostelán El Sensato que continuou a publicarse ata 1815. Ao regreso da monarquía absolutista de Fernando VII, estivo baixo sospeitas pola publicación dese xornal.

1. Aparello de madeira en forma de catavento formado por dúas aspas, que xiran co vento e fan que dous martelos colocados no extremo oposto golpeen a reo nunha pequena táboa. Emprégase como espantallo para escorrentar os paxaros por mor do ruído que produce ao ser movido polo vento.

2. Instrumento que se emprega para apertar os aros dos pipotes.

PERSOEIRO

Físico norteamericano. En 1930 comezou un estudo exhaustivo das partículas ionizadas producidas polos raios cósmicos. Mediante unha cámara de Wilson observou en 1932 a existencia efectiva do positrón, partícula definida teoricamente por Dirac pero non observada ata ese momento. Con este descubrimento acadou o Premio Nobel de Física no ano 1936, que compartiu co seu colega Victor F. Hess.

1. Relativo ou pertencente a Aquae Flaviae ou aos seus habitantes.

2. Individuo do pobo aquiflaviense.

3. Pobo (populus) prerromano da Gallaecia, no Convento Bracarense, que tiña por núcleo principal Aquae Flaviae (Chaves). Debeu ser un pobo de profunda romanización xa que Aquae Flaviae foi o único municipio romano (municipium) do noroeste peninsular na época de Vespasiano (69-79 d C), a quen estaba dedicada a columna de Chaves (Padrão dos Povos). Debido ás dúbidas e discrepancias entre os diferentes autores que se ocuparon do estudo dos populi, este pobo confúndese ás veces co dos turodos ou turodoros, que ocupaban o territorio situado ao sur de Chaves.

PERSOEIRO

Político e avogado. Iniciou a súa andaina política na Unión de Centro Democrático (UCD), para logo presidir Democracia Cristiana (DC) en Andalucía. En 1983 ingresou en Alianza Popular (AP) -Partido Popular (PP) dende 1989-. Ocupou escanos no concello de Sevilla (1983-1987), no Parlamento andaluz (1986-1989), no Congreso dos Deputados (1989-1993) e no Senado en representación de Andalucía. En xullo de 1993 pasou a ocupar a Presidencia do Partido Popular en Andalucía e en 1998 a secretaría xeral do Partido Popular. Foi ministro de Traballo e Asuntos Sociais (1996-1998) no primeiro goberno de José María Aznar, posto que abandonou para presentarse ás eleccións ao Parlamento de Andalucía como candidato á Presidencia da Junta, desempeñando tralos comicios a xefatura da oposición nesa comunidade.

GALICIA

Compositor e musicólogo. Formouse musicalmente en Lugo, Santiago de Compostela e Madrid, onde ampliou estudos de composición con David del Puerto, Luis de Pablo, Tomás Marco, Cristóbal Halffter e outros. Licenciouse en Musicoloxía na Universidade de Oviedo (1990). Colaborou coa Sociedad General de Autores e co Ministerio de Cultura na elaboración do Dicionario da Música Española e Hispanoamericana. É o promotor do proxecto Sistema de Especialización da Música en Vivo, no que se integran informática, electrónica, deseño de instrumentos e composición e da peza frauta, clarinete, violín, viola e violoncelo (2004).
 

CIDADES

Cidade do kraj de Krasnodar, Rusia, situada na marxe esquerda do río Kuban’ (164.000 h [estim 1995]). Situada na beira do oleoduto de Rostov e Tuapse, é un centro comercial e industrial.

PERSOEIRO

Historiador e filósofo grego. Escribiu A expedición de Alexandre, considerado durante moito tempo o mellor documento sobre o tema.

1. Relativo ou pertencente ao atavismo, que se transmite por atavismo.

2. Que manifesta atavismo.

3. Relativo aos antepasados.