"Alberte" (Contén)

PERSOEIRO

Rei de Bélxica, fillo de Leopoldo III e Astrid de Suecia. Sucedeu o seu irmán Balduíno I de Bélxica (1993). O 21 de xullo de 2013 abdicou en favor do seu fillo,  o actual rei de Bélxica Filipe I.

GALICIA

Poeta e avogado. Pertenceu ao grupo dos precursores do rexurdimento literario galego. Vinculado ás actividades da Academia Literaria, colaborou con artigos e poemas na prensa galega (El iris de Galicia, El Miño, El Porvenir, La Aurora de Galicia, etc) e non galega (La Antorcha e La Esperanza). A súa obra poética, en parte destruída trala súa morte por mandato do propio autor e en parte perdida, insírese na estética do romanticismo. Os seus poemas en galego de maior difusión foron “O desconsolo” e “Nai chorosa”. Escribiu tamén os vilancetes, incluídos no volume Canciones al nacimiento de Nuestro Señor Jesucristo y degollación de los Inocentes en el Hospicio de Santiago (1849), titulados “Falade ben baixo” e “Alegría, festa e rúa”, datados entre os anos 1848 e 1849. En castelán escribiu, entre outras obras, o poema “La conquista de México”, a comedia en verso A la vejez aladares de pez e o drama Lisardo el estudiante....

PERSOEIRO

Rei de Sardeña (1831-1849). Fillo de Carlos Manuel de Savoia, príncipe de Carignano. Participou no levantamento de marzo de 1821; trala abdicación do seu primo, Víctor Manuel I, instituíuse rexente do reino e proclamou a constitución das Cortes de Cádiz do 1812. Ante a intervención de Austria e a entronización de Carlos Félix no 1821, tivo que retirarse. Loitou xunto cos Cen Mil Fillos de San Luís fronte aos liberais españois en 1823. En 1831 foi proclamado rei e adoptou unha actitude ambigua respecto ao movemento do Risorgimento: reprimiu a axitación mazziana (1833-1834) e adoptou medidas liberais. Encabezou a guerra pola unidade e foi derrotado en San Donato, no 1848, e en Novara, no 1849. Abdicou a favor do seu fillo Víctor Manuel II.

PERSOEIRO

Prateiro. Activo en Santiago de Compostela a finais do s XVI, en 1585 realizou unha cruz de prata para a igrexa de Santa María de Aguións (A Estrada) e outra, en 1592, para Santa María de Frades (A Estrada), coas imaxes de Cristo, os catro evanxelistas e a Virxe.

GALICIA

Escritor. Estudiou dereito en Santiago de Compostela, fundou e dirixiu as publicacións La Pluma, La Semana e La Defensa de Galicia, e colaborou en O Tío Marcos da Portela e El Derecho. Da súa produción destacan Luchar por la patria, Gritos del alma, Volvoretas (1887), Chorimas (1890), Leenda de groria (1891) e Follas de papel (1892).

PERSOEIRO

Debuxante. Licenciado en Belas Artes, na década de 1990 foi o responsable en Lugo do fanzine experimental Kedeké. Colaborou en O Fanzine das Xornadas, Ovo e Semana de Banda Deseñada. En 2001 coordinou a exposición colectiva Microclimas. Dirixe a librería especializada Tótem de Lugo.

GALICIA

Poeta e narrador. Membro das Redes Escarlata, participou na obra colectiva Xuro que nunca volverei pasar fame: poesía escarlata (2003) e publicou O lobo da xente (Premio Narrativas Quentes, 2003), ademais de coordinar a revista literaria Espasmo.

GALICIA

Deseñador gráfico. Formouse na Escuela EINA de Barcelona e en 1992 creou Permuy Asociados SA. O seu traballo esténdese aos campos da identidade corporativa, o deseño de marcas e logotipos, o deseño de publicacións e o deseño editorial, empresarial e institucional. Destacan, entre outras, os traballos realizados para o Xacobeo 99, o Consorcio de Santiago de Compostela, a Fundación Eugenio Granell, o Centro Dramático Galego e Galicia Terra Única. Participou, entre outras, nas mostras Barcelona 92, la creativitat gráfica a l’esport olímpic (1989), Galicia: tradición y diseño (1991) e Signos del Siglo. 100 años de Diseño Gráfico en España (2000).

PERSOEIRO

Mestre de obras de orixe galega. Traballou con Xoán López Freire no convento da Compañía de María, no consistorio e nos cárceres de Santiago de Compostela (1767). Tamén participou nas obras da Universidade de Santiago de Compostela, na construción da fachada nova da catedral de Lugo e nas obras de reedificación da igrexa de Santiago de Pontedeume. O seu irmán Melchor Ricoy traballou no santuario de Nosa Señora dos Desamparados de Abades en Silleda (1765-1787), foi o encargado de construír a vía pública entre Ponte Sampaio e Santiago de Compostela e realizou pontes como a de Valga e a de Malvar.

PERSOEIRO

Xurista e político. Foi deputado no Parlamento de Galicia polo BNG (1990-2001) e membro do consello nacional de BNG. Foi avogado da Intersindical Nacional dos Traballadores Galegos (INTG) e da Confederación Xeral de Traballadores Galegos (CXTG) e participou, en 1992, na creación do partido Esquerda Nacionalista, do que foi secretario xeral.