"Asti" (Contén)

ou o filósofo aragonés (Pedrola, Aragón 1525 - Zaragoza 1581) Nobre e erudito. Conde de Ribagorza, duque de Luna e de Vilafermosa, casado con Luísa de Borja e de Aragón (1541). Foi educado en Santiago de Compostela e na corte como meniño da Emperatriz Isabel e do Príncipe Filipe, a quen acompañou a Flandres, onde tomou parte na Batalla de San Quintín (1557). Escribiu: Memorias Históricas de los Condes de Aragón, Historias de los reyes, condes y obispos de Ribagorza, Gistau, Pallás..., Vida del conde de Luna don Lope y de su hermano el arzobispo e Diálogos de medallas antiguas y de otros monumentos raros.

Operación cirúrxica que ten por obxecto construír unha nova articulación mediante a interposición de próteses para substituír outra destruída ou anquilosada.

Institución creada en 1980 por unha trintena de artistas, críticos e persoeiros do eido da cultura baixo a presidencia de Xulio Maside. O seu fin prioritario é promover o desenvolvemento e perfeccionamento da cultura artística galega entre os seus membros e no ámbito social, así como a defensa e pulo da arte na escultura, na ornamentación ambiental, no gravado, na arquitectura, etc. Xunto coa Asociación de Artistas de Pontevedra e a Asociación de Artistas de Ourense, constituíu a Federación Galega de Artistas Plásticos en 1990 coa presidencia de Miguel Mosquera. Froito do dinamismo cultural promovido por esta asociación, creouse o Grupo Nome integrado polos pintores X. Maside, X. G. Pardiñas, Morquecho, Bibian, Anselmo Lamela, Quintana Martelo e a escultora Mª Xosé Díaz. Actualmente está obsoleta, só ten existencia a nivel enunciativo.

iño italiano, preparado con uva moscatel branca, vendimado nos arredores da cidade de Asti (Piemonte).

Provincia do Piemonte, Italia (1.511 km2; 209.934 h [1997]). A súa capital é Asti.

Heroe grego. Fillo de Héctor e Andrómaca. Despois da caída de Troia e a morte do seu pai, foi precipitado, sendo meniño, dende o alto dunha das torres da muralla de Troia por decisión dos xefes gregos, en especial Ulises. A súa morte foi obxecto de representacións pitóricas (vasos áticos) e tema literario (traxedias de Séneca e, posteriormente, Racine).

Unidade estratigráfica do Pliocénico superior, seguida polos depósitos lacustres do Vilafranquiano, e situado enriba do Plasenciano.

Relativo ou pertencente ao Astiano.

Rei de Media (584-555 a C), fillo de Ciaxares. Casou a súa filla con Cambises I de Persia, e tiveron un fillo, Ciro o Grande, co que Astiaxes entrou en guerra. Problemas fronteirizos enfrontárono ao seu neto, que o venceu sucesivamente en dúas batallas. Uniu os reinos de Media a Persia.

Aparello empregado para medir os graos de astigmatismo.

Empresa de construcións navais, creada en 1969 en Madrid ao fusionarse a Sociedad Española de Construción Naval, Euskalduna e Astilleros de Cádiz. Posúe instalacións no País Vasco, Galicia, Andalucía e València. É a cabeza dun grupo de filiais entre as que destacan Astander, Juliana e Celaia, todas elas relacionadas coa construción naval. Segunda empresa do seu sector en 1984, estivo moi afectada pola baixa de pedidos a nivel internacional. Pertence totalmente ao INI.

Movementos das plantas causados exclusivamente por estímulos internos, polo tanto sen a intervención de estímulos de fóra.