"BUN" (Contén)

Caucho sintético obtido por polimerización do 1,3-butadieno (buna 85, buna 115, etc) ou por copolimerización deste con outros monómeros (con estireno: buna S; con acrilonitrilo: buna N, etc). O nome do produto formouse coas partículas ‘bu’, de butadieno, e ‘Na’, símbolo químico do sodio.

Partido socialdemócrata dos traballadores xudeus fundado en Rusia en 1897. En 1898 tivo un papel importante na organización do Partido Socialdemócrata Obreiro Ruso; sen embargo, enfrontouse cos bolxeviques a causa da súa estrutura organizativa, polo que foi eliminado logo da Revolución de Outubro (1917).

Libro relixioso dos zoroastristas escrito en lingua pahlavi que contén unha recompilación de crenzas cosmolóxicas, mitolóxicas, históricas e xeográficas persas da Idade Media.

Banca federal de Alemaña. Creada pola lei o 26 de xullo de 1957, foi dotada dunha grande autonomía. Foi a base do sistema monetario e bancario alemán.

Nome co que habitualmente se coñecen oficialmente os estados federais (länder) da República de Austria.

Nos estados federais xermánicos, órgano federativo con funcións lexislativas, administrativas ou gobernativas formado por representantes tanto dos gobernos como dos órganos de representación popular dos estados membros. O Bundesrat foi unha das cámaras lexislativas na Confederación de Alemaña do Norte entre 1866 e 1871 e no Imperio Alemán de 1871 a 1918. A partir de 1949 foi a cámara alta da República Federal de Alemaña e da Alemaña reunificada desde 1990. Na República de Austria, entre 1918 e 1938 e desde 1945, recibe tamén o nome de Länderrat. En Suíza é o nome alemán do Consello Federal que, a diferenza de Alemaña e de Austria, ten carácter executivo.

Asemblea lexislativa da República Federal de Alemaña ata finais de 1990 e da Alemaña unificada dende o mesmo ano. Os seus membros son elixidos por un período de 4 anos por sufraxio universal directo. Está composta por 662 membros que elixen o chanceler a proposta do Presidente da República e controlan o poder executivo. Na Confederación Xermánica (1815-1866) (Bundesversammlung) a Asemblea Federal recibía o nome de Bundestag; tamén na República de Austria foi o nome dado ao Nationalrat. Foi o órgano lexislativo da República Federal de Alemaña (1949-1990) e, posteriormente, da Alemaña reunificada.

ivenda pequena de madeira, cun só andar, rodeada de corredores e situada en lugares destinados ao descanso.

Xénero de herbas da familia das brasicáceas, que se caracteriza por presentar un froito cuadrangular. En Galicia está presente como planta espontánea nos campos de cultivo a especie B. erucago.

Xénero de herbáceas da familia das apiáceas, que se caracteriza por ter un talo florífero pouco ramificado que nace dun tubérculo, follas basais co pecíolo en parte subterráneo e limbo dividido, pétalos de cor branca e froito acostelado e sen alas nin aguillóns. As especies máis características da Península Ibérica son: B.alpinum, propia da montaña, e B. pachypodum, propia de cultivos e baldíos.

Proba de Paul-Bunnell.

Herba perenne do xénero Carex, da familia das ciperáceas, de talo sólido, triangular e sen articulacións e follas lineais. As flores, dispostas en espigas mestas, son unisexuais; as masculinas están formadas por dous ou tres estames e as femininas por un ovario, que dará lugar a un froito en aquenio, protexido nun utrículo. En Galicia están presentes máis de 40 especies, sendo as máis comúns: C. laevigata, C. paniculata, C. remota e C. viridula, en lugares húmidos; C echinata, C. muricata e C. ovalis, en prados; C. binervis e C. durieui, en brañas (a segunda especie e endémica do noroeste da Península Ibérica); C. arenaria, en areais; C. extensa, en areas, rochas e marismas da beiramar e C. broteriana, especie endémica das ribeiras pedregosas dos ríos de Galicia.

Liñaxe natural de Padrón. As súas armas levan, en campo de azul, varios buños.