"Ferrol" (Contén)

Revista aparecida en Ferrol a partir de 1854 e que cesou ao ano seguinte. Vinculada á Mariña, contou coa colaboración de Xosé Canalejas, director da mesma, Xoán A. Lacaci e Montero Aróstegui, entre outros. Iniciou unha segunda época de edición o 5 de marzo de 1864 que levaba como subtítulo “Periódico independiente”. Dende 1866 modificou o seu subtítulo polo de “Periódico de ciencias y literatura”. Dirixido por Francisco Suárez García, saía tres veces á semana. Imprimiuse nos obradoiros tipográficos de Nicasio Taxonera. Incluíu artigos de información xeral e composicións literarias.

Organización creada en Ferrol en 1935, que recuperaba a organización da Juventud Libertaria de Ferrol (1933), desmantelada tralos sucesos de outubro de 1934. O primeiro grupo libertario xuvenil de Ferrol xurdira a finais de 1913 co nome de Juventud Libertaria e durante a Segunda República este movemento acadou certo nivel de organización. En decembro de 1935 incorporóuselle a Juventud Libertaria de Mugardos. A súa actuación estivo vinculada á da CNT e, ademais da súa participación no sindicalismo, os grupos libertarios xuvenís destacaron polo seu traballo cultural e propagandístico, a través de mitins e conferencias que se celebraban tanto en Ferrol como noutras poboacións da comarca.

Federación constituída en agosto de 1931 en que figuraba media ducia de sociedades de Ferrol e unha de Mugardos, e na que destacaban o Sindicato General, dos traballadores da industria naval, polo seu volume de afiliación, e o de Camareros e de Transportes, pola súa combatividade. A finais do mesmo ano produciuse a incorporación dalgunhas sociedades escindidas da UGT e do Sindicato de Canteros, cunha traxectoria como sindicato independente dende finais do s XIX.

Organismo federativo das sociedades obreiras de Ferrol, fundado en xaneiro de 1919 e no que figuraban tanto sindicatos de carácter socialista como anarcosindicalista ou sen orientación definida. Foi coetáneo coa época de achegamento entre a CNT e a UGT, trala folga xeral de 1918, na que ambas centrais sindicais actuaron conxuntamente. En decembro de 1919 varios delegados de sociedades vinculadas á Federación participaron no Congreso da CNT en Madrid, no que esta organización se amosou contraria á fusión coa UGT, optando por tratar de absorber o sindicato socialista. En Ferrol xurdiron tamén diferencias entre anarcosindicalistas e socialistas, que remataron coa creación do Sindicato Único de Obreros Metalúrgicos en febreiro de 1920, xermolo da CNT ferrolá. No II Congreso da Federación, en abril do mesmo ano, decidiuse por maioría o ingreso na UGT. A maior parte dos seus afiliados pertencían aos diferentes gremios de traballadores da construción naval, sumando un total de 2.063 afiliados...

Liñaxe que trae por armas, en campo de azul, un sol de ouro.

Revista editada en Ferrol a partir de setembro de 1990 polo Club de Prensa da cidade departamental. Dirixiuna Germán Castro Tomé (1990-1999) e Julia Díaz Sixto (2000). Patrocinada polo Concello de Ferrol e por diversas empresas, o seu obxectivo principal é servir como medio de reflexión e debate sobre os avances da ciencia e tecnoloxía, a cultura e o saber, cunha atención especial á propia cidade. Deste xeito, incluíu análises históricas referidas a Ferrol e a súa importancia na historiografía galega contemporánea, a realidade lingüística da comarca ferrolá, os problemas de contaminación das rías, a crise industrial, o comercio, o urbanismo, a sanidade, etc. Na súa elaboración colaboran destacados xornalistas e intelectuais galegos.

Periódico editado en Ferrol a partir do 4 de xullo de 1920. Imprimiuse nos obradoiros tipográficos de El Correo Gallego. Incluía, ademais de información deportiva, algunha sección literaria.

Porto da beira setentrional da ría de Ferrol, de interese xeral do Estado, xestionado pola Autoridade Portuaria de Ferrol-San Cibrao. As súas instalacións esténdense polo espazo sudoccidental do litoral da parroquia de Ferrol. A súa localización no interior da ría, plenamente resgardada, propiciou unha grande actividade portuaria como refuxio dos buques que navegaban entre o Mar Cantábrico e as costas occidentais da Península. No s XVI, Filipe II potenciouno aínda máis ao escollelo en varias ocasións como base temporal da flota real. Non obstante , a definitiva consolidación do porto como un dos máis importantes de España produciuse no s XVIII, cando a administración da nova dinastía borbónica o designou capital dun dos tres departamentos marítimos nos que dividiu o litoral peninsular español. Nun principio as instalacións da Armada ocuparon o litoral da parroquia da Graña, pero en 1730 o Marqués de la Ensenada ordenou buscarlles unha nova localización: en 1747 decidiuse a construción do...

Ría do litoral noroccidental da Comunidade Autónoma de Galicia, a máis setentrional do Golfo Ártabro, que se abre entre o cabo Prioriño, ao N, e a punta Coitelada, ao S, e baña os concellos de Ares, Mugardos, Fene, Neda, Narón e Ferrol. Cunha dirección NL-O, a súa boca correspóndese cunha estreita abertura modelada sobre un batolito de granidiorita, inserido nun contexto de xistos, que caracteriza o resto da ría. O Grande de Xubia e o Belelle son os principais ríos que desembocan nela.