"Lob" (Contén)

1. Relativo ou pertencente á familia das caulobacteriáceas.

2. Bacteria da familia das caulobacteriáceas.

3. Familia de bacterias da orde das pseudomonadais, en forma de bacilo curto, lixeiramente curvado, ou de vibrión. Teñen un pedúnculo máis ou menos longo, de orixe moi diversa segundo os xéneros, co que se fixan a un substrato mergullado e son Gram-negativas. Oxidan o ión ferroso e convérteno en ión férrico. Viven en augas doces moi oligotróficas. Os xéneros máis importantes son Caulobacter e Gallionella.

1. Relativo ou pertencente aos colóbidos.

2. Primate da familia dos colóbidos

3. Familia de primates á que pertencen os colobos.

1. Primate do xénero Colobus, da familia dos colóbidos, de tamaño grande, formas esveltas e rabo moi longo, pero non prénsil. A lonxitude do corpo, sen ter en conta o rabo, oscila entre os 56 e os 76 cm. Ten as extremidades anteriores e posteriores máis ou menos da mesma lonxitude, presenta calosidades isquiáticas e o seu pelame é de cores variables. De costumes arborícolas, aliméntase de follas e de talos tenros. Habita nas selvas da África tropical e ecuatorial.

2. Primate de ata 76 cm de lonxitude de corpo, de cor en xeral negra, cun manto branco que se estende dende os ombreiros ata o inicio da cola e polas patillas; a barba e a parte terminal da cola tamén son brancas. Vive nas selvas da conca do río Congo e dos Grandes Lagos. Tamén se coñece co nome de guereza.

3. Primate de ata 66 cm de lonxitude de corpo, de cor xeralmente negra, coas patillas e a parte dianteira agrisadas e coa cola enteiramente branca e sen guedella terminal. Vive nas altas selvas e na sabana de Guinea ao longo das ribeiras dos ríos.

4. Primate de ata 76 cm de lonxitude de corpo, de cor en xeral negra, cun conxunto de longos pelos brancos sobre os ombreiros, coas patillas brancas e a cola distalmente branca. Vive nas selvas e nas galerías da cubeta do río Congo.

5. Primate de ata 71 cm de lonxitude de corpo, de cor negra ou gris escura na parte superior e avermellada na inferior, co nariz dirixido cara a arriba sobre o beizo superior engrosado. Vive nas altas selvas de Guinea.

6. Primate de ata 76 cm de lonxitude de corpo, de cor enteiramente negra e cola sen guedella terminal. Vive nas altas selvas do S do golfo de Guinea. Tamén se coñece co nome de mvon.

7. Primate de ata 56 cm de lonxitude de corpo, de cor verdosa na parte superior e agrisada na inferior, coa cola como a parte superior pero máis agrisada por debaixo e con dúas manchas grises na fronte. Vive nas ribeiras dos ríos, nas selvas pantanosas e entre as matogueiras das altas selvas de Guinea.

8. Primate de ata 71 cm de lonxitude de corpo, de cor xeral entre avermellada e parda, cunhas manchas negras nos ombreiros e coa parte inferior que oscila dende a cor branca ata a gris. Vive nas altas selvas e galerías da cubeta do río Congo.

1. Antiga arma de fogo portátil que consiste nun canón unido por aneis a unha caixa que remata en punta. Empregouse na Península Ibérica a partir do s XV.

2. Peza de artillería dos ss XVI e XVII de grande alcance. Está construída en bronce e o seu corpo ten un ancho de entre vinte e oito e trinta e tres bocas de fogo; exteriormente é troncocónica. Dispara balas de ferro cunha carga de pólvora do mesmo peso que o proxectil. Esta arma recibe tamén outros nomes como falconete, falcón ou media colobrina, segundo a cantidade de balas que poida lanzar.

3. Cartucho de cartón reforzado con papel encolado e cheo de xofre, salitre, carbón e pólvora, que serve para encher a cabeza dos antigos foguetes de guerra.

1. Acción e efecto de conglobar ou conglobarse.

2. Figura retórica vinculada aos procesos de acumulación e enumeración que consiste na presentación dun asunto non formulado explicitamente a partir dunha sucesión de detalles, enfocados sempre desde o mesmo punto de vista. É habitual no medio xudicial como sucesión de argumentos persuasivos de índole oposta aos formulados polo interlocutor.

1. Reunir diversos corpos ou partes dun todo ata formar unha masa comprimida e redondeada.

2. Reunirse diversos corpos ou partes dun todo ata formar unha masa comprimida e redondeada.

MUNICIPIOS

Municipio da provincia de Barcelona, Catalunya, na marxe dereita do río Llobregat (7.600 h [1996]). A economía baséase na construción e nos servicios que se derivan desta, o sector téxtil e a elaboración de cemento. A agricultura tamén ten un papel importante, sobre todo o cultivo de oliveiras e de vides. A vila moderna formouse pola aglomeración dos antigos núcleos de Corbera de Dalt e Corbera de Baix. A igrexa románica de Santa María, ampliada en 1700, coñécese pola escenificación anual que fai do seu pesebre vivente. Do seu patrimonio arquitectónico destaca a casa dos baróns de Corbera (s XVI).

MUNICIPIOS

Municipio da comarca do Baix Llobregat, na provincia de Barcelona, Catalunya, drenado polo río Llobregat (82.490 h [1996]). A cidade posúe un núcleo principal que separa dous sectores, o de Cornellà de Baix e o de Cornellà de Dalt. Trátase dun importante centro agrícola (árbores froiteiras) e gandeiro (vacún). A industria experimentou un gran desenvolvemento a partir de 1960, sobre todo a siderurxia, a química e a de vidro. A vila xurdiu sobre a antiga igrexa parroquial de Santa Maria, destruída en 1936 e refeita posteriormente. Do seu patrimonio cultural destacan os restos dunha vila romana e dunha basílica, posiblemente visigoda, con columnas corintias.

PUNTA

Punta do extremo nororiental da Illa de Ons, na parroquia homónima do concello de Bueu, situada ao SL da punta Centolo.