"Oder" (Contén)

Xénero de fungos da familia das agaricáceas. Presentan cogomelos a xeito de sombreiro de ata 5 cm de diámetro, de cor ocre ou acastañada amarelada, con láminas densas e brancas que se tornan ocres ao madurecer; o pé ten a mesma cor ca o sombreiro e presenta un anel no terzo superior que continúa nunha cuberta escamosa. En Galicia está presente a especie C. amianthinum debaixo de piñeiros e queiroas.

Período comprendido entre a maioría de idade de Isabel II (1843) e o Pronunciamento de Vicálvaro (1854), que estivo dominado politicamente polo partido moderado, que dirixía o xeneral Ramón María Narváez. O xeneral Narváez, que se sublevou contra a rexencia de Espartero en maio de 1843, presidiu o novo goberno dende 1844 e substituíu a Constitución de 1837 pola de 1845. Esta Constitución, moito máis conservadora ca a anterior, recoñecía que a monarquía e as Cortes, organizadas en Congreso e Senado, compartían a soberanía. Narváez transformou o seu goberno nunha ditadura moderada a consecuencia da revolución europea de 1848, e asinou un Concordato (1851) polo que a Igrexa aceptaba a desamortización e o clero recibía, a cambio, unha subvención do Estado. Entre outras medidas, creouse un corpo armado coa finalidade de manter a orde pública, a Garda Civil (1844), estableceuse o dominio do goberno sobre a administración local, reformouse a facenda e suprimíronse os tributos locais. Non obstante...

Escola espiritual xurdida nos Países Baixos a finais do s XIV, con certas influencias da mística xermánica e neerlandesa e da escola franciscana, pero máis intimista e personalista. Geert Groote (Deventer, Países Baixos 1340-1384) creou os irmáns e irmás da Vida Común. O seu discípulo, Florens Radewijns, organizou os cóengos regulares de Windesheim. Estes desenvolveron a corrente intimista e a corrente metódica.

Xénero de coleópteros, da familia dos escarabeidos, que na fase de eiruga supón unha praga para os cultivos de cereal ao afectarlles á raíz e reducir os rendementos de produción da semente, ou mesmo matar as plantas.

Folla ou capa máis externa, na que se dispoñen as células do blastoderma despois da segmentación, no estado de gástrula, destinada a formar o sistema nervioso, o revestimento cutáneo, os órganos dos sentidos e parte do tubo dixestivo.

Relativo ou pertencente ao ectoderma.

Relativo ou pertencente ao endoderma.

Periódico aparecido en Lugo en agosto de 1901. Tivo unha periodicidade semanal ou decenal.

Afección cutánea caracterizada principalmente por un eritema ou arrubiamento universal, é dicir, en toda a superficie cutánea. Pode representar unha enfermidade por ela mesma, de causa descoñecida, ou ben pode resultar un estado evolutivo de diversas dermatoses.

Enfermidade do grupo das colaxenoses, de causa descoñecida e de patoxenia inmunolóxica, que afecta á pel, ás articulacións, aos músculos e a algunhas vísceras como o esófago e o resto do tubo dixestivo, o pulmón, o corazón e os riles. A forma xeneralizada da enfermidade denomínase tamén esclerose sistemática progresiva e os seus síntomas principais son: enfermidade de Raynaud, esclerodactilia, artralxias, telanxiectasia, calcificacións subcutáneas ou calcinose, afectación da cara, que se volve coma unha máscara, e trastornos funcionais das vísceras danadas.

Institución pedagóxica fundada en Barcelona en 1901 por Francesc Ferrer i Guàrdia coa idea de poñer en práctica as ideas da escola racionalista e a coeducación. Tiña anexa unha editorial. A escola conseguiu de maneira rápida un importante prestixio dentro dos ámbitos intelectuais e ao mesmo tempo espertaba unha gran desconfianza entre as clases acomodadas, que vían nela un fondo anarquista e francomasónico. O atentado real (maio de 1906), levado a cabo polo empregado da editorial Mateo Morral, provocou a clausura da escola. Josep Casasola -antigo profesor- continuou o seu espírito no Colexio de La Place (Barcelona). Ferrer conseguiu, sen embargo, reorganizar a editorial, que aumentou entón a publicación de textos anarquistas.

Estado cortical da raíz formado por células alongadas radialmente que se suberizan e se lignifican. OBS: A grafía <x> representa o son [ks].

Tecido cortical que orixina o felóxeno, que se constitúe por células ricas en clorofila e non suberizadas.