"An" (Contén)

Fungo que presenta un carpóforo formado por 2 ou 3 pregaduras dispostas á maneira dunha sela de montar, e outras veces adoptan formas máis irregulares, cerebriformes. É de cor gris escura, case negra, ás veces con tonalidades azuladas, mentres que na cara interior o gris é moito máis claro. O pé, ben diferenciado do carpóforo, é ancho, de cor gris ou parda, oco e cunhas grosas costelas.

Xornal publicado en Ourense a partir do 15 de maio de 1860, que cesou o 15 de maio de 1865. Subtitulado “Periódico de intereses morales y materiales”, o seu fundador e impresor foi Agustín Moldes. Dirixido por Joaquín Gaite, a partir do 10 de marzo de 1861 substituíno Robustiano Pérez de Santiago. Saíu os días 1, 5, 10, 15, 20 e 25 de cada mes e incluíu artigos de fondo, información local e de Galicia e unha obra por entregas de Muñoz de la Cueva.

Xornal publicado en Bos Aires a partir do 10 de novembro de 1944, que cesou o 7 de decembro de 1945. Baixo o subtítulo “Periódico gallego”, funcionou como órgano de expresión do Centro Orensano de Bos Aires. Dirixido por Rodolfo Prada, saíu cada quince días. Incluíu poesía en galego de Rosalía de Castro, Curros Enríquez, R. Cabanillas, Amado Carballo ou A. Rey Baltar, así como artigos de Castelao ou Lois Tobío.

(? - Capadocia 304) Médico. Coñecido tamén como Areste, morreu martirizado. Na iconografía leva unha cruz colgada ao pescozo como atributo. A súa festividade celébrase o 9 de novembro.

Termo da verba dos arxinas ou xerga dos canteiros que corresponde á voz ‘mar’.

Termo da verba dos arxinas ou xerga dos canteiros que corresponde á voz ‘augardente’.

Termo da xerga dos cesteiros de Mondariz que corresponde á voz ‘augardente’.

Institución onde se acollen e educan os nenos orfos. Funciona coma unha escola en réxime de internado onde os nenos non interrompen a súa estadía ata que son adultos.

Formación coral que se creou en Ourense o 11 de setembro de 1887, que tomou o seu nome do Café Unión, onde se xuntaban para ensaiar. Nun primeiro momento estaba formado por 31 voces masculinas, pero a partir de 1928 xa se foron incorporando voces femininas. Os mesmos membros da masa coral iniciaron os trámites en 1887 para a creación dunha Sociedad Artística Orensana con fins culturais, lúdicos e recreativos. Esta sociedade desenvolvía actividades moi variadas, como teatro, exposicións, bailes ou cine. O orfeón participaba de moitas das iniciativas da sociedade, pero mantiña unha certa independencia funcional e acudía a festivais e concursos corais nos que obtivo múltiples galardóns.

Tecido de algodón con ligamento de tafetá, moito máis fino e transparente ca a muselina de algodón, cunha gran rixidez e transparencia, que se emprega especialmente na confección de vestidos, blusas e cortinas.

Persoa que fabrica ou arranxa órganos musicais.

Calquera parte da célula que ten unha función determinada.

Representación gráfica e esquemática da organización dunha empresa ou institución. O seu obxectivo é identificar as relacións entre os diferentes elementos e a función específica de cada un deles. Para que sexa un elemento efectivo de racionalización na organización da empresa, o tipo de relación entre elementos establécese segundo a orde xerárquica e de subordinación e debe reflectir tamén a súa dependencia técnica por evidenciar as coordinacións necesarias e evitar as dobres competencias.