"RM" (Contén)

panhipopituitarismo.

Antiga cidade de Panonia inferior que corresponde á actual Mitrovica (Vojvodina). Colonia romana (s I), foi sede do gobernador da Panonia secunda. Centro do arianismo, celebráronse nela diversos concilios, dos que destaca o de 357, onde foi aprobada unha fórmula que rexeitaba toda mención do termo ïõóá ἱ á (substancia), mesmo na fórmula de compromiso homoioúsios da especulación trinitaria, e afirmaba a subordinación do Fillo ao Pai. Rexeitada en Ancira (359), foi avalada novamente polo Concilio de Sirmium de 359.

Asociación de armadores de buques de arrastre, as parellas, constituída no porto de Bouzas (Vigo) en 1899. Promoveu un lock-out que amarrou a frota de arrastreiros por máis de tres meses, a fins de 1932. Continuou a funcionar durante a Guerra Civil.

Agrupación de armadores de pesca do palangre que actuou en Vigo durante a década de 1930. Mediou na conflitividade xurdida nos anos 1931 e 1932, cando a consecuencia do crack de Nova York (1929) se depreciou a sardiña e houbo enfrontamentos laborais entre mariñeiros e patronal.

Asociación musical creada na Coruña en 1904. É a máis antiga de Galicia e o seu obxectivo inicial foi a difusión da música clásica. Promoveu e organizou concertos de solistas e grupos de cámara, en que participaron Pau Casals, Arthur Rubinstein, Rachmaninoff, Andrés Segovia, Victoria de los Ángeles, Alfredo Kraus, Montserrat Caballé, a Orquesta Sinfónica de Madrid ou a Orquestra Sinfónica de Bratislava.

Asociación musical creada en Vigo en 1915 no seo da sociedade La Tertulia. En 1918 independizouse e formou unha directiva propia. O seu obxectivo é organizar concertos e impulsar o desenvolvemento musical. Como sede empregou distintos auditorios da cidade e organizou concertos de solistas e grupos de sona internacional como Pau Casals, Arthur Rubinstein, Elly Amelling, a Orquestra de Cámara de Berlín, a Orquestra de Cámara de Praga ou a Orquestra Sinfónica de Galicia.

Asociación musical creada en Lugo en 1947. Fundouse co propósito de fomentar e difundir a música clásica na cidade lucense. Co Círculo de las Artes organizou o seu primeiro concerto e con el colabora desde 1962 na celebración da Semana de Música del Corpus. Ofrece concertos con figuras e orquestras, como Narciso Yepes, Teresa Coleman, Kenneth Spencer, Takas--hi Shimizu, a Orquestra Sinfónica de Alemaña ou a Orquesta Sinfónica de Madrid.

Agrupación musical creada en Ourense en 1947. Fundouse coa pretensión de fomentar a música clásica e ata 1968 mantivo unha intensa actividade. En 1971 iniciou unha nova etapa, en que incrementou o número de concertos. En 1980 fíxose cargo da sociedade unha nova directiva que conseguiu aumentar aínda máis o número de concertos e o número de socios. Colabora co Conservatorio de Música de Ourense e coa Sociedad Liceo Recreo Orensano.

Asociación musical creada en Celanova en 1975. Fundouse para promocionar a música na vila mediante concertos e audicións. Posteriormente crearon a Coral Polifónica Solpor, un grupo de baile e o grupo de teatro Solpor.

Nome co que se coñeceu nos países occidentais á organización soviética Medždunarodnaja Organizacija Pomožči Tvorcam Revol’ucii (Organización Internacional de Axuda aos Artífices da Revolución, MOPR). Creada en 1922, tiña por finalidade dar axuda material e xurídica e apoio moral aos presos e emigrados políticos, e ás familias dos revolucionarios mortos na loita. En España deu axuda aos perseguidos polos feitos de outubro de 1934 e traballou activamente a favor dos damnificados pola guerra na zona republicana. O seu órgano de expresión era a revista MOPR e, desde 1936, Edinstvo. Á fin de 1937, a dirección pasou a París e durante a Segunda Guerra Mundial cesou toda actividade, agás na URSS, onde se mantivo ata 1947.

Län de Suecia (6.062 km2; 256.033 h [estim 2000]). A súa capital é Nyköping.

Que ou quen amosa moita amabilidade e cariño.