"CIA" (Contén)

PERSOEIRO

Teólogo e antipapa (251). Foi ordenado presbítero do Papa Fabián, contra a vontade do clero local, posto que estaba bautizado soamente de forma clínica. Deu orixe ao Cisma de Novaciano. Da súa produción destaca De Trinitate, primeiro tratado teolóxico sistemático latino.

1. Relativo ou pertencente a Novaciano ou ao novacianismo.

2. Seguidor do novacianismo.

1. Tempo de proba, ao inicio da vida relixiosa, que se pasa antes de facer os votos.

2. Lugar de residencia onde están instalados os novizos.

3. Conxunto de novizos.

4. Réxime e exercicio dos novizos.

5. Período de tempo durante o que unha persoa se inicia nunha arte, materia ou actividade.

SEMANARIOS

Semanario publicado en Pontevedra a partir de 1888 que non cesou antes de febreiro de 1889. Subtitulado “Defensor d’os intereses gallegos”, estivo dirixido por Juan Manuel Rodríguez de Cea, quen tamén exerceu de colaborador, xunto a Ricardo Barros Pintos. De carácter rexionalista, conviviu algúns anos coa revista O Galiciano. A literatura galega tivo unha importante presenza nesta publicación, en que abundaron a prosa e a poesía de López Pinal, Lourido Sánchez, Marcial Valladares, Barcia Caballero, Pérez Placer ou Leyes Pose.

GALICIA

Escritor e xornalista. De novo emigrou a Cuba onde dirixiu o xornal Las Hijas de Eva e cando volveu a Galicia foi nomeado o primeiro director de El Correo Gallego. Foi deputado provincial pola Coruña e director do Gran Hospital de Compostela. Escribiu o prólogo de Poesías gallegas y castellanas, de Francisco Añón, El capricho de mi esposa (1875) e o poemario Romancero de Galicia (1887).

GALICIA

Xurista e escritor. Foi catedrático de Dereito, maxistrado da Audiencia e coronel do Batallón de Voluntarios de Jesús del Monte en La Habana. Escribiu Idea del Estado, como sujeto de la Hacienda pública, Legislación de Bolsa, Estudio sobre el fundamento y sobre las fuentes del Derecho internacional e Por Galicia: cuartillas y apuntes (1896).

PERSOEIRO

Política e psicóloga. Foi deputada nas Cortes por Ourense polo PSdeG-PSOE entre a III e a VI lexislaturas (1986-2000) e senadora pola mesma cidade na VII lexislatura (2000-2004). Pertenceu á comisión executiva galega do PSdeG-PSOE e foi coordinadora provincial do partido en Ourense.

GALICIA

Artista plástico. Emigrou coa súa familia en 1938 a Uruguay, onde estudou arquitectura. En 1942 iniciouse na arte coa cerámica e cofundou a revista Apex, onde publicou contos, e a que lle permitiu coñecer ao pintor J. Torres García, clave para a súa formación intelectual. A súa obra caracterizouse por unha figuración construtivista de cores planas e carácter costumista en escenas urbanas, rurais ou naturezas mortas. Pouco despois achegouse á abstracción en que lle deu moita importancia ao material ata que evolucionou cara á plenitude da súa obra coa incorporación do espazo e a luz. Trasladouse a Bos Aires (1947) e desde 1953 comezou a expoñer coa axuda de Luís Seoane. Colaborou coa revista Galicia Emigrante, regresou a Montevideo (1957) e traballou en xornalismo. Destacou polos seus murais de grandes dimensións como o do estadio de Montevideo, Mural del Cerro (1962-1964), onde apareceron de forma explícita as características construtivas do artista, cun emprego...

GALICIA

Médico. Especialista en neuroloxía, doutorouse en 1971 na Universidade de Santiago de Compostela e foi catedrático e xefe do servizo de neuroloxía do Complexo Hospitalario Universitario de Santiago. Publicou máis dun centenar de traballos en diversas revistas como Revista clínica Española, Revista Médica de Galicia, Revista de Psiquiatría y Psicología Médica, Medicina clínica ou Gaceta Clínica de Bilbao, Revista clínica de geriatría y gerontologia. Algúns dos artigos publicados nestas revistas son “Síndrome de Turner con coartación de aorta y hemorragia subaracnoidea” (1971), “Atrofía cerebral idiopática” (1972), “Hipertensión intracraneal benigna” (1977) ou “El diagnóstico de las hemorragias cerebelosas” (1982).

MUNICIPIOS

Municipio da provincia de Alacant, Comunitat Valenciana, situado nos contrafortes orientais do sistema prebético valenciano (6.587 h [2001]). Os cultivos de secaño teñen pouca extensión, e destaca o cultivo de oliveiras e de ervellacas. O regadío, dedicado case exclusivamente ás laranxeiras, benefíciase das fontes de Favara e do Planet. A actividade agrícola tradicional foi absorbida polas actividades dependentes do turismo.

PUBLICACIÓNS

Publicación editada en Vigo a partir do 16 de maio de 1927, da que posiblemente só saíu un número. Subtitulada “Revista ilustrada, gráfica e informativa”, estivo dirixida por Víctor Fraiz Villanueva, mestre fusilado en 1937. Incluíu fotografías, contos, notas de sociedade, artigos e literatura. Firme defensora dos valores democráticos e de Galicia, tamén deu conta das actividades do Ateneo de Vigo.

SEMANARIOS

Semanario publicado en Madrid a partir do 17 de maio de 1937. Cesou en novembro de 1938, despois de trasladar a súa redacción a Barcelona por mor da guerra en xaneiro dese ano. Subtitulado “Portavoz de los antifascistas gallegos”, estivo dirixido por Xosé Gómez Gayoso e Manuel Moure. De tendencia comunista e antifascista, apoiou a Segunda República e fixo chamamentos para que os galegos se unisen e traballasen pola liberación de Galicia e pola creación do Frente Popular Antifascista Gallego. Nel colaboraron Ramón Cabanillas, Arturo Cuadrado ou Basilio Álvarez, promotor de El miliciano gallego, co que o semanario acabaría converxendo tras un período de convivencia de dous meses. En setembro de 1937 Castelao incorporouse á revista cos seus debuxos de guerra e textos de denuncia das atrocidades cometidas polos falanxistas en Galicia.

PUBLICACIÓNS

Publicación editada en Ferrol a partir de xullo de 1931. De carácter infantil e distribuída gratuitamente, tivo moi pouca duración. Dirixida por Pedro Guimarey Filgueira, contou coas colaboracións de Fernández Barreiro, López Bouza, Manuel Macías ou Manuel Vázquez Ogando. Incluíu artigos sobre educación infantil, pedagoxía, contos e galego para nenos.