"An" (Contén)

PENÍNSULAS

Península da costa SO de Islandia, que cerra polo S a baía de Faxaflói (1.982 km2; 78.416 h [estim 1999]). Ten numerosos cráteres volcánicos. Constitúe un distrito administrativo de Islandia.

PERSOEIRO

Pintor. Activo en Betanzos, foi un dos primeiros pintores barrocos de Galicia. Cara a 1650 pintou o retablo de Santo Antón de Padua no santuario da Nosa Señora do Camiño de Tiobre e o retablo maior da capela da Madanela de Betanzos. Nestas obras amosou unha concepción pictórica sinxela, co emprego de fondos escuros, unha gama cromática pobre de tons escuros e pardos, onde domina o debuxo sobre a cor.

PERSOEIRO

Xa de Irán (1925-1941). Antigo xefe da brigada cosaca que operaba en Irán, conquistou Teherán (1920) ao exército soviético e proclamouse primeiro ministro (1923). Logo de recibir plenos poderes do parlamento, exiliou o xa e proclamouse xa el mesmo. A raíz da Segunda Guerra Mundial, a URSS e Reino Unido invadiron o país e foi obrigado a abdicar (1941) en favor do seu fillo Mu ḥ ammad Reza de Irán.

IGREXAS

Igrexa parroquial situada en Ourense. Construída en estilo románico, barroco e neoclásico, ten planta de cruz latina cunha soa nave con cúpula central semicircular. No seu interior destaca o retablo-baldaquino do s XVIII. Na fachada salienta a torre-campanario e os contrafortes.

PERSOEIRO

Político coreano. Presidente da República de Corea no exilio desde 1919 e máximo representante dos grupos proocidentais, en 1948 foi elixido presidente de República de Corea. Malia a Guerra de Corea (1950-1953), foi reelixido en 1952, en 1956 e en 1960, ano en que dimitiu debido a unha revolta popular e ao enfrontamento coa Asemblea, exiliándose seguidamente.

PERSOEIRO

Filólogo alemán. Profesor das universidades de Roma, Friburgo de Brisgovia e Múnic, lingüista e historiador da literatura. Traballou sobre o francés medieval (Altfranzösische Grammatik, 1933), sobre as relacións entre semántica e teoloxía (Kultsprache und Profansprache in den romanischen Ländern, 1933) e sobre as literaturas románicas: Dante Studien (1975), Gabriela Mistral und ihre kosmische Sympathie (1954) e Die Mystik des Raymundus Lullus (1949).

PERSOEIRO

Parapsicólogo estadounidense. En 1935 fundou co inglés W. McDougall (1871-1938) un laboratorio de parapsicoloxía, onde estudou experimentalmente a denominada “función ϕ ”. Das súas obras destaca Extra-sensory Perception (1934) e The Reach of the Mind (1947).

PERSOEIRO

Xurista e historiador. De orixe galega, participou no proceso de transición á democracia en Uruguay e foi profesor de Ciencia Política na Universidad de Montevideo e analista e consultor político da ONU. Foi un dos compiladores de Uruguay y la democracia (1984-1985) e The military and Democracy (1990) e escribiu Uruguay, el país urbano (1981), Partidos, Democracia y Autoritarismo (1984), De mitos y memorias políticas (1986), con C. Perelli, Las Fuerzas Armadas. Soldados-políticos garantes de la democracia? (1986), Una tarea inconclusa (1992) e Urnas y desencanto político (1998).

MONTES

Monte situado na parroquia de Verís (Irixoa). O seu cumio acada os 519 m de altitude.

PERSOEIRO

Arquitecto. As súas obras caracterizáronse por un estilo gótico revestido de decoración plateresca. En 1527 comezou a colexiata de Valladolid, derrubada por Juan Bautista de Herrera para erguer a catedral, e en Sevilla realizou a fachada e o vestíbulo do concello (1527) e as sancristías da capela dos Alabastros e da capela dos Cálices da catedral.

1. Relativo ou pertencente a Rianxo ou aos seus habitantes.

2. Natural ou habitante de Rianxo.

PARROQUIA

Parroquia baixo a advocación de santa Comba que dá nome ao concello de Rianxo, onde se atopa a capital municipal.