"Ea" (Contén)

PERSOEIRO

Escritor francés. Principal representante da escola dos retóricos de Borgoña, foi historiógrafo de Carlos I e bibliotecario de María de Borgoña. Destacan a súa continuación da Crónica de Chastellain (1474-1504) e a versión do Roman de la Rose.

PERSOEIRO

Actriz. Coñecida como Marguerite Moreno, actuou na Comèdie Française e con Sarah Bernhardt, e fundou en Bos Aires un conservatorio francés de estudos dramáticos. A súa última representación foi La folle de Chatllot. Da súa filmografía destacan Vingt ans après (1922), Carmen (1945) e Mademoiselle Modiste (1951).

PERSOEIRO

Actor. Coñecido como Jean Gabin, foi o prototipo de home duro e un destacado intérprete do inspector Maigret, como en Maigret voit rouge (1963). Cómpre salientar os filmes La nuit est mon royaume (premio ao mellor actor en Venecia, 1951), Touchez paus au grisbi (1954, premio ao mellor actor en Venecia), Archimède, le clochard (1959, Silberner Bär en Berlín), Le chat (1971, Silberner Bär en Berlín) e L’année sainte (1976).

PARROQUIA

Parroquia baixo a advocación de Nosa Señora de Lurdes que dá nome ao concello de Mondariz-Balneario, onde se atopa a capital municipal, no lugar homónimo.

GALICIA

Concello da comarca do Condado, situado no S da Comunidade Autónoma de Galicia e no centro-L da provincia de Pontevedra, da que administrativamente forma parte, a 42° 13’ 12” de latitude N e 8° 28’ de lonxitude O. Limita ao N, L e S co concello de Mondariz (comarca do Condado) e ao O co de Ponteareas (comarca do Condado). Abrangue unha superficie de 2,3 km 2 , o que o converte no concello máis pequeno de Galicia, en que acolle unha poboación de 755 h (2001) distribuída nunha única parroquia, Mondariz-Balneario. A súa capital, o lugar de Mondariz-Balneario, dista 46 km de Pontevedra e 113 km de Santiago de Compostela. Está adscrito á diocese de Tui-Vigo e ao partido xudicial de Ponteareas.
Xeografía física
O concello atópase enclavado na ribeira S do río Tea, xunto á súa confluencia co Sabriño, no derrame setentrional da Picaraña. A topografía é irregular, de suaves relevos, coa maior altitude situada ao O (293 m), no límite co concello de Ponteareas....

GALICIA

Parroquia do concello de Mondariz-balneario. baixo a advocación de Nosa señora de lurdes.

PERSOEIRO

Compositor francés. Debutou en 1734 como violinista no Concert Spirituel, que dirixiu entre 1735 e 1762. Escribiu ópera, numerosas obras relixiosas, motetes e concertos para violín. Da súa produción destacan Pièces de clavecin en sonates (1734), Les sons harmoniques (1738), Triton et l’Aurore (1753) e Thésée (1765).

1. toquear.

2. Facer monadas.

PERSOEIRO

Naturalista. Coñecido como cabaleiro de Lamarck, foi discípulo de Bernard de Jussieu, e en 1778 publicou a súa obra Flore française, onde utilizou por primeira vez unha clave dicotómica para clasificar as plantas. O conde de Buffon, interesado polo seu traballo, confioulle unha misión científica por Europa central para enriquecer as coleccións de plantas do Jardin du Roi. En 1794 foille concedida a cátedra de zooloxía do museo de ciencias naturais, co cargo de clasificar as coleccións de animais inferiores. Da súa obra destacan Philosophie zoologique (1809), onde expuxo as súas ideas sobre os seres vivos e formulou a primeira teoría positiva sobre a evolución, e Histoire naturelle des animaux sans vertèbres (1815-1822), onde recolleu os seus coñecementos sobre invertebrados e puxo os fundamentos da súa clasificación sistemática.

SEMANARIOS

Semanario publicado en Becerreá a partir de 1900. Impreso en Lugo, tivo como fundador e director a Antonio Correa Fernández e foi unha publicación defensora dos intereses do distrito.

PERSOEIRO

Economista e financeiro francés. Participou nas conferencias preparatorias do Tratado de Versailles e posteriormente foi secretario adxunto da Sociedade de Nacións (1919-1923). Exiliado en Londres durante a Segunda Guerra Mundial, unha vez rematado o conflito bélico participou de maneira destacada na reconstrución económica de Francia. Presidiu a Comunidade Europea do Carbón e do Aceiro (1952-1955) e impulsou a firma do Tratado de Roma. Está considerado un dos pais fundadores da UE.

LOCALIDADES

Localidade do municipio de Ochagavía, Nafarroa, situada á beira do Camiño Francés de Peregrinación a Santiago. En 1149, García V de Navarra concedeulle o foro dos francos. Conserva unha ponte gótica con dúas bóvedas apuntadas. Houbo varios hospitais, unha ermida e unha confraría de Santiago de Compostela.

MUNICIPIOS

Municipio da provincia de Teruel, Aragón, situado á beira do río Jiloca (2.343 h [2001]). A súa economía baséase na agricultura de regadío con cultivos de cereais e viña, a gandaría e as industrias alimentarias derivadas.

CIDADES

Cidade da provincia de Palermo, no NO da illa de Sicilia, Italia, situada sobre unha terraza na faldra do monte Caputo (25.368 h [1991]). Medrou arredor dun mosteiro beneditino feito construír por Guillerme II de Sicilia e durante os ss XIII e XIV foi vítima de continuas devastacións a causa da rivalidade anxevina e catalano-aragonesa. Ten unha catedral, que destaca, sobre todo, polo conxunto de mosaicos bizantinos dos ss XII e XIII.

MONTES

Monte situado na parroquia de Souto (A Estrada). O seu cumio acada os 661 m de altitude.