"RC" (Contén)

PERSOEIRO

Poeta francés, señor de Saint-Amant. De nome Marc-Antoine Girard, escribiu, entre outros, os poemas Les “goinfre” e “Le melon”, con influencias de Rabelais, e o poema satírico “Rome ridicule” (1643).

PERSOEIRO

Militar francés. En 1776 ingresou no rexemento de gardas valóns de Carlos III. Durante a Guerra da Independencia (1808-1814), dirixiu a expedición que liberou Zaragoza (1808). Volveu á Península Ibérica en 1814 e foi capitán xeneral de Galicia, València e Aragón.

PERSOEIRO

Política e filóloga. Catedrática de Lingua e Literatura Española e inspectora de Educación, foi directora xeral de Ensino Medio e conselleira de Educación da Xunta de Galicia. Foi senadora (1986-1989) e desde 1989 deputada no Congreso de los Diputados polo PP.

GALICIA

Xornalista e político. Desde 1991 foi profesor de estrutura económica na Universidade da Coruña. Secretario xeral de Comunicación da Xunta de Galicia (desde 2005), foi cronista do Congreso de los Diputados (1976-1980), deputado polo PSdeG-PSOE no Parlamento de Galicia (1989-1994), conselleiro de Economía e Facenda (1987-1990) e secretario xeral da Fundación Galicia-Europa (1988-1990). O seu labor xornalístico desenvolveuse fundamental- mente en Mundo Obrero, La Voz de Galicia -redactor e xefe da sección de Economía (1981-1987) e fundador e coordinador dos suplementos “Economía y consumo” e “Europa”- e en El Progreso, que dirixiu entre 1994 e 2000. Ademais foi delegado da Corporación Voz de Galicia en Lugo. Publicou El Estatuto de Galicia (1976), Cuadernos Galicia-CEE. Sector lácteo (1986), en colaboración con Xaime García e Xosé Colino, Lorenzo Varela: crónica dunha vida atormentada (1995) e Jalisco (2001). Recibiu o Premio...

GALICIA

Comarca situada no NO da provincia de Pontevedra e no O da Comunidade Autónoma de Galicia. Limita ao N coa comarca de Caldas (Catoira) e a ría de Arousa, ao S coa ría de Pontevedra e a comarca de Pontevedra (Poio), ao L, novamente coas comarcas de Caldas (Caldas de Reis e Portas) e Pontevedra (Barro e Poio) e ao O coa ría de Arousa e o Océano Atlántico. Abrangue unha superficie de 275,2 km2, en que acolle unha poboación de 103.825 h (2001), distribuída nos concellos de Cambados (23,4 km2; 13.385 h), O Grove (21,9 km2; 11.039 h), A Illa de Arousa (7 km2; 4.870 h), Meaño (27,8 km2; 5.426 h), Meis (52,4 km2; 5.017 h), Ribadumia (19,7 km2; 4.161 h), Sanxenxo (45,1 km2; 16.098 h), Vilagarcía de Arousa (44,2 km2; 33.496 h) e Vilanova de Arousa (33,7 km2; 10.333 h). Desde o punto de vista socioeconómico e funcional a comarca está formada pola aglomeración de subáreas funcionais sen que...

CAPITAIS

Capital da provincia homónima, Uzbekistán (362.300 h [1999]). A súa economía baséase nas construcións mecánicas e nas industrias química, téxtil e alimentaria. Capital da Sogdiana na época dos aqueménidas, foi conquistada por Alexandre o Grande (329? a C) e, co nome de Ìáñάêáíäá, formou parte do imperio seléucida e do Reino de Bactriana. Conquistada polos árabes na expansión de Qutayba ibn Muslim (709-712), durante a época dos samánidas (ss IX e X) foi un dos principais centros culturais do Islam, foco do renacemento literario persa. Despois das sucesivas dominacións qarakhánida, selxúcida (s XI) e karakitai (s XIII), Xenguis Khan devastouna en 1220 e deportou a poboación. Capital do Imperio Timúrida (finais do s XIV), converteuse no núcleo económico e comercial máis importante de Asia Central. O seu declive iniciouse baixo o dominio uzbeco, durante o cal a capital foi trasladada a Bukhara (s XVI). Entre 1924 e 1930 foi a capital de Uzbekistán. Do seu patrimonio cultural destacan,...

PERSOEIRO

Actriz. Debutou no teatro profesional en 1970 e no cine en 1977 da man de J. Chávarri no filme A un dios desconocido. Despois de triunfar no papel protagonista de Gary Cooper que está en los cielos (1980, Premio á mellor actriz no Festival de Moscova), de Pilar Miró, interpretou Extramuros (1985, Concha de Plata no Festival de Cine de Donostia), El pájaro de la felicidad (1993, Premio á mellor actriz no Festival de Cine de Bérgamo 1994), Sé quien eres (2000), Lugares comunes (2002, Premio Goya á mellor actriz 2003) e Reinas (2005). Presidenta da Real Academia de Cine español, foi galardoada co Premio Nacional de Cinematografía (2003).

PARROQUIA

Parroquia do concello da Baña baixo a advocación de san Cibrán.

MONTES

Monte situado na parroquia da Meda (Castroverde). O seu cumio acada os 685 m de altitude.

MONTES

Monte que pertence ao sistema montañoso da serra de Vilanova, situado na parroquia de Bobadela (Celanova). O seu cumio acada os 621 m de altitude.

MONTES

Monte situado no límite das parroquias de San Miguel de Presqueiras, Ventoxo e A Madanela de Montes (Forcarei). O seu cumio acada os 674 m de altitude.

DEPARTAMENTOS

Departamento de Guatemala (3.791 km2; 794.951 h [2002]). A súa capital é San Marcos (36.325 h [2002]).

PARROQUIA

Parroquia do concello da Estrada baixo a advocación de san Miguel.