"CIA" (Contén)

SEMANARIOS

Semanario publicado en Santiago de Compostela a partir de 1841 que cesou en xaneiro de 1842. Subtitulada “Periódico de ciencias, literatura y artes”, foi dirixido por Manuel Rúa Figueroa. O seu obxectivo era enaltecer Galicia e mellorar a súa situación moral e material, ademais de promover a literatura. Sucesor de El Iris del Bello Sexo, foi suspendida para introducir novidades pero o proxecto non saíu adiante e a publicación non volveu reaparecer.

PUBLICACIÓNS

Publicación editada en Vigo a partir de 1980. Trátase da segunda etapa dunha revista anterior, dirixida polo doutor Luis Gómez. Coordinada polo doutor Isaac Arias, tentou difundir entre os profesionais do sector unha terapéutica farmacolóxica máis racional para a súa aplicación en hospitais e centros de saúde. Incluíu ensaios sobre fórmulas farmacolóxicas, estudos sobre a aplicación de medicamentos, revisión bibliográfica de compostos químicos e referencias a actividades profesionais dos farmacéuticos.

PUBLICACIÓNS

Publicación editada na Coruña a partir de xuño de 1992. Coordinada por José A. Brandariz, constituíuse no voceiro da Asociación Profesional de Funcionarios do Corpo da Policía Municipal de A Coruña. Incluíu disposicións lexislativas sobre tráfico e seguridade vial, análises da problemática do tráfico na Coruña e algúns apartados especiais sobre política, deportes e aspectos sociais.

1. Acción ou efecto de revivir.

2. anabiose.

3. Reaparición dun feito de consciencia anterior.

1. Acción de rexer ou gobernar.

2. Dignidade ou cargo de rexente.

3. Época e duración do goberno dun rexente.

4. Goberno dun estado monárquico en lugar e en nome do rei. Pode ter lugar durante a súa minoría de idade, pola súa ausencia do territorio ou pola súa incapacidade xurídica. Na historia de España houbo varios períodos de rexencia, entre eles a de Mariana de Austria (1665-1677), a de María Cristina das Dúas Sicilias (1833-1840), a de Espartero (1840-1843) e a de María Cristina de Austria (1885-1902). A Constitución de 1978 establece a quen lle corresponde a rexencia en cada situación.

5. 1. Antiga denominación da administración municipal dalgunhas cidades de Alemaña e dos Países Baixos.

   2. Antiga denominación do goberno dalgúns países do norte de África como Trípoli ou Tunes.

1. Relativo ou pertencente ás riciáceas.

2. Planta da familia das riciáceas.

3. Familia de hepáticas talosas, da orde das marchantiais, que se caracterizan pola presenza de moitas cámaras aeríferas, a ausencia de elaterios e por ter os anteridios, os arquegonios e os esporogonios afundidos no talo. Danse nas terras húmidas e na auga, e son máis abundantes no hemisferio austral.

PERSOEIRO

Pintor e escultor italiano. Coñecido como Daniele da Volterra, foi discípulo en Siena de Il Sodoma e Domenico Beccafumi, e despois recibiu a influencia de Michelangelo Buonarroti. Das súas obras destaca Deposizione (1541) e a decoración da sala rexia do Vaticano iniciada por Pierino del Vaga.

PERSOEIRO

Mística italiana. Obrigada a casar, fíxose relixiosa nas agostiñas de Cascia ao morrer seu marido e seus dous fillos. Avogada dos imposibles, represéntase con hábito negro, cinguido cunha correa e unha espriña cravada na testa. Foi canonizada en 1900 e a súa festa celébrase o 22 de maio.

MUNICIPIOS

Municipio de Madrid, situado entre os ríos Manzanares e Jarama, dentro da área metropolitana da capital (35.742 h [2001]). A proximidade con Madrid converteuno nunha zona residencial e incrementou a poboación.

PERSOEIRO

Rei de Escocia (1306-1329), da dinastía dos Bruce. Despois de proclamarse rei en Scone (1306) foi ampliando o seu dominio territorial coas vitorias de Loudon Hill (1307), de Bannockburn (1314) e Berwick (1318). Finalmente, Eduardo III de Inglaterra recoñeceu a independencia de Escocia con Roberto I como rei, en York (1328).

PERSOEIRO

Rei de Francia (922-923), fillo de Roberto IV o Forte. Ao morrer o seu irmán, o Rei Odón I de Francia (898), sucedeuno nos condados de París e de Anjou e no ducado de Francia. Foi elixido rei en Reims por unha facción da nobreza e morreu loitando contra o monarca lexítimo, Carlos III de Francia, na Batalla de Soissons.

PERSOEIRO

Rei de Escocia (1371-1390), neto de Roberto I e sobriño e sucesor de David II de Escocia. Foi o primeiro soberano membro da dinastía Stuart. O seu reinado estivo presidido polas continuas perturbacións nobiliarias.

PERSOEIRO

Rei de Francia (996-1031), fillo e sucesor de Hugo I de Francia. Fomentou a tregua de Deus, enfrontouse coa nobreza feudal e recuperou os condados de Dreux (1015) e Melun (1016) e o ducado de Borgoña.