"An" (Contén)

Copia ou traslado que se saca do documento orixinal.

Aplícase ao núclido cuxo número atómico é superior a 92, que é o que lle corresponde ao uranio. Todos os núclidos transuránicos son radioactivos, con períodos de desintegración pequenos, e non se atopan na natureza, senón que son creados artificialmente por bombardeo de núclidos pesados con neutróns ou núclidos lixeiros. Os transuránidos forman parte do grupo dos actínidos.

Antiga provincia de República Surafricana, situada na banda nororiental do estado, que existiu ata a fin do apartheid. A partir desa data dividiuse en catro provincias; Gauteng (17.010 km2; 7.780.631 h [estim 2000]), Noroeste (116.320 km2; 3.532.824 h [estim 2000]), Mpumalanga (79.490 km2; 3.004.916 h [estim 2000]) e Limpopo (123.910 km2; 5.495.679 h [estim 2000]). Limitaba coas provincias de Natal e Orange ao S, Swazilandia ao SL, Moçambique ao L, Zimba-bwe ao N, Botswana ao O e a provincia do Cabo ao SO. A súa capital era Pretoria. Situado sobre un altiplano lixeiramente inclinado e atravesado por sistemas montañosos de SO a NL, con altitudes de 1.200 a 1.800 m, o territorio está drenado por numerosos ríos, afluentes do Limpopo, o que marcaba a fronteira setentrional, e polo Vaal, afluente do Orange, que sinalaba a fronteira meridional. A economía rural baseábase na gandaría (gando bovino e ovino) e no cultivo de millo miúdo, sorgo,...

Acción e efecto de transvasar.

Trasladar un líquido dun lugar ou dun recipiente a outro.

Mutación no ADN que consiste na substitución dun par purina-pirimidina por un pirimidina-purina.

Que está colocado ou dirixido ao través de algo.

Aplícase aos animais e ás plantas que conteñen algún xene alleo en todas as súas células somáticas e xerminais, o que foi introducido artificialmente nalgunha célula destes dous tipos ou nun embrión temperán mediante un fago transdutor.

Antiga rexión de Palestina situada ao L do Xordán, correspondente ás fronteiras de Xordania tras o armisticio de 1967. Ocupada antigamente por ammonitas, moabitas e idumeos, foi sede das tribos israelitas de Gad, Rubén e parte de Manasés. Conquistada polos seléucidas (400? a C), formou parte do imperio nabateo de Petra. Baixo os asmoneos (143-63 a C) volveu formar parte do estado xudeu. Conquistada polos musulmáns (637), pasou a ser un dos seis reinos (Reino de Karak) en que foi dividida Siria baixo os califas de Bagdad. En tempos dos cruzados constituíu o principado latino de Transxordania. Tras a vitoria de Saladino en Hattin (1187) contra Reinaldo de Châtillon foi un emirato dependente dos sultáns mamelucos de Exipto. Anexionada ao Imperio Otomán (s XVI), foi ocupada polos británicos (1917), que confiaron a súa administración ao emir haxemita Abdullah ibn Hussein. Recoñecida a súa independencia (1923), a oposición sionista aconsellou a constitución dun protectorado británico nela (1928)....

Ferrocarril, xeralmente de tracción eléctrica, cuxos carrís, de perfil especial, están encaixados no pavimento da rúa ou da estrada. Os primeiros tranvías, que eran de tracción animal, foron empregados en Nova York en 1842. Entre o establecemento dos tranvías de tracción animal e os de tracción eléctrica instaláronse en diversas cidades tranvías de tracción a vapor. A causa do aumento constante do tránsito nas cidades foron substituídos primeiro polos trolebuses e despois polos autobuses.

Compañía de teatro creada en Vigo en 1989 por Avelino González Fernández e Cándido Pazó. En 1993 fusionouse con Ollomol Teatro Submarino para dar lugar á compañía Ollomoltranvía. Da súa produción destacan O merlo branco (1989, Premio Xeración Nós de Teatro Infantil 1991) ou A mostra (1992), dirixidas por Cándido Pazó.

Provincia de Sicilia (2.461 km2; 410.381 [2001]). A súa capital é Trapani.