"RAM" (Contén)

PERSOEIRO

Dirixente anarco-sindicalista. Organizou un grupo anarquista de traballadoras do sector téxtil en Sabadell (1884). Foi detida en varias ocasións e desterrada despois do proceso de Montjuïc (1896). Á súa volta, participou activamente como propagandista da campaña de reivindicacións sociais en Barcelona e en Zaragoza contribuíu a organizar o movemento anarcosindicalista aragonés. Fundou a revista El Produtor en 1901.

PERSOEIRO

Psiquiatra francés. Describiu a sintomatoloxía de diversas psicoses exóxenas e estudiou os delirios crónicos sistematizados. É o creador da teoría do automatismo mental, que establece que a enfermidade psíquica é consecuencia da produción espontánea, automática e involuntaria dunha serie de elementos semiolóxicos, produto da excitación neuronal. A súa obra Oeuvre psychiatrique (Obra psiquiátrica, 1942), recollida polos seus discípulos, publicouse postumamente.

PERSOEIRO

Organista e compositor. Pertencente a unha dinastía de músicos da corte francesa, introduciu en Francia a cantata e a sonata italianas, e procurou fundir o gusto francés co italiano. Compuxo numerosas cantatas, como a dedicada a Luís XV Le soleil vainqueur des nuages (O sol vencedor das nubes, 1721), ademais de motetes, pezas de órgano e de clavecín.

GALICIA

Político e empresario. Iniciou a súa andaina política no ano 1969 como presidente do sindicato mixto local de actuacións diversas. En 1971 foi elixido concelleiro en Ribadeo polo terzo sindical, cargos que renovou democraticamente na candidatura de Coalición Democrática. Foi parlamentario, pola circunscrición de Lugo, na primeira e na segunda lexislatura galega polo Partido Popular. Foi tamén tenente de alcalde e alcalde da súa vila natal. Director da Caixa Rural de Lugo en Ribadeo, é membro da confederación de empresarios.

GALICIA

Escultor. Estudiou maxisterio e oficialía industrial. Profesor de escultura en Houston (EE UU), comezou a expoñer en Ourense en 1971. Inicialmente, a súa obra acadou un certo expresionismo con figuras tendentes á deformación; posteriormente realizou personaxes voluminosas de carácter realista. Entre as súas obras destacan as cabezas monumentais de Valle-Inclán e Suárez Ferrín (A Coruña) e de Pablo Iglesias (Ourense), Caronte para o Parque Escultórico Torre de Hércules (A Coruña), o Monumento ao traballo (Vigo, 1991) e A Pementeira (Padrón, 2001). Realizou exposicións nas principais cidades galegas, en Madrid e Barcelona, e participou en diversas mostras colectivas, como as bienais de Pontevedra ou as exposicións do ministerio de Cultura. Ten obra en diversos museos de Galicia, Madrid e Sudamérica.

1. Pano de aparello que abraza a rede máis estreita na que se forma a bolsa para que se deteña o peixe.

2. Rede de malla dobre e ancha empregada para reter os peixes que se enredan nas mallas estreitas, fronte a outra rede de malla máis estreita que se usa na arte do trasmallo.

1. Segunda marca que se pon nun artigo comercial para distinguilo dos produtos que unicamente levan a primeira.

2. Marca que se pon nunha moeda, xa cuñada, co fin de lle modificar ou ratificar o valor legal, o ámbito de circulación ou calquera outra característica.

1. Retroceso ou volta atrás que se fai no camiño que se levaba.

2. Operación, manobra ou movemento que, dentro do dominio da estratexia ou do campo da táctica, leva a termo un exército ou corpo de tropas para tomar unha dirección contraria á que levaba. A contramarcha estratéxica é unha operación de guerra que constitúe un medio para subtraerse, ao mesmo tempo, da vista e do alcance do inimigo.

3. 1. Método de evolución que segue unha escuadra formada en liña de marca cando quere cambiar de marcación, de xeito que ningún barco teña que cambiar de velocidade.

   2. Método de evolución que segue unha escuadra formada en liña de fila cando quere cambiar de rumbo por movemento sucesivo, de xeito que cada navío cambie de rumbo ao chegar ao punto no que o fixo o primeiro.

4. Árbore intermedia que transmite o movemento dunha árbore primaria a unha árbore secundaria por medio dun sistema de correas e poleas ou de engrenaxes. Emprégase para aumentar ou diminuír a velocidade de rotación.