"CIA" (Contén)

(? - Alvastra 1156) Rei de Suecia (1130-56). Fundou unha dinastía e foi favorable á Igrexa. Acolleu aos cistercienses e promoveu a fundación dos mosteiros de Alvastra, Nydala e Varnhem.

Estado de enfraquecemento ou consunción.

Organismo unitario integrado pola práctica totalidade dos partidos de esquerdas de Galicia de carácter estatal non nacionalista: o PC de Galicia, a Federación Galega do PSOE, o Partido Socialista Popular (PSP) de Galicia e os comités nacionais galegos da Organización Revolucionaria de Trabajadores (ORT) e do Partido del Trabajo de España (PTE), xunto a outras pequenas forzas e persoeiros independentes. Vertebrou a estratexia da oposición, que consistía nunha acción combinada de presión e negociación, e defendeu o establecemento dun goberno autónomo para Galicia, con carácter transitorio, en base aos principios e institucións do Estatuto de Autonomía de 1936, como sistema de articulación política nun futuro estado democrático e ata que o pobo galego decidise unha nova fórmula de articulación. Integrouse na Plataforma de Organizaciones Democráticas.

Catálogo de trobadores galego-portugueses elaborado por Angelo Colocci e identificado na tradición manuscrita coa sigla C. Localizado por E. Monaci en 1875, a través del puido constatarse que certo número de cantigas e de autores se perderon debido a mutilacións existentes no Cancioneiro da Biblioteca Nacional. Contido en oito folios de papel sen numerar no códice Vaticano 3217: “Index Verborum seu vocum collectus per Angelum Cootium ex Petrarcha, Siculo, Rege Roberto, Barbarino”, parece ser a táboa dun cancioneiro perdido, vinculado con B pero máis completo. Con todo, o seu descubrimento non permitiu resolver os conflitos de atribución de cantigas que existen entre os cancioneiros B e V.

Edificio construído en Vigo entre 1911 e 1927 segundo un proxecto de Antonio Palacios. Substituíu ao Teatro Rosalía de Castro, incendiado en 1910, e ademais empregouse como cinematógrafo e casino. Está formado por dúas salas teatrais superpostas, con diversos salóns de columnas e unha monumental escaleira, iluminada cenitalmente cunha vidreira deseñada por Palacios. A platea da sala principal apóiase nunha bóveda nervada de formigón con arcos moi rebaixados. A fachada principal fai referencia á Opéra de París de Charles Garnier e organízase como un grande arco que acolle grandes ventás e balcóns. Inaugurouse o 23 de abril de 1927 coa ópera Madame Pompadour. En 1982 Caixanova adquiriuno e rehabilitounno como centro cultural e engadíronselle esculturas de Buciños e Oliveira como remate na fachada.

Reunión celebrada en Teherán, do 28 de novembro ao 1 de decembro de 1943, entre os representantes dos países aliados (Churchill, Stalin e F. D. Roosevelt) durante a Segunda Guerra Mundial. Nela decidiuse para 1944 o Desembarco de Normandie e outro posterior no Mediterráneo. Tamén se iniciaron os preparativos para a ocupación e desintegración de Alemaña e o establecemento das fronteiras polacas. Abordouse a organización da futura ONU e a proposición de Roosevelt de confiar os papeis de policía internacional aos países reunidos e a China. Stalin confirmou a súa intención de unirse ao ataque a Xapón, despois de que Alemaña resultase vencida. Por último, garantizouse a independencia de Irán despois da guerra.

Boletín publicado na Coruña en 1972. Dirixido por Luís Caparrós e Ezequiel Pérez Montes e promovida pola Fundación Barrié de la Maza, incluíu informacións sobre os teleclubs galegos. Incluíu notas de historia, arte, literatura e fotografía, ademais dunha análise sobre o xornalismo e a televisión en Galicia.

Reunión en que os participantes se atopan fisicamente lonxe e se comunican entre eles por algún sistema acústico ou acústico e óptico á vez.

Cadea pública de televisión da Comunidade Autónoma de Galicia que comezou as súas emisións en probas o 24 de xullo de 1985, integrada na Compañía de Radio-Televisión de Galicia. A súa programación regular, integramente en galego, comezou o 29 de setembro de 1985 con 39 horas semanais, que en 2002 chegaron a 168 horas, a maior parte de produción propia. Emite para todo o territorio galego a través de catro centros emisores (Pedroso, A Bailadora, Domaio e Tomba), que incorporaron a tecnoloxía dixital en 2002. Foi a primeira canle autonómica que emitiu regularmente en vía satélite (1994), ademais de manter a súa propia canle vía satélite cara a América (1997). Recibiu o Trofeo Galeguidade no Mundo (1992) e o Premio Galicia de Comunicación (1997 e 2002).

Partenoxénese en que só se producen femias.