"To" (Contén)

1. Disciplina da xeografía física que ten como obxecto a análise dos climas da Terra, coa determinación das súas variedades e distribución, así como a investigación dos seus efectos bioxeográficos, xeomorfolóxicos, hidrolóxicos, edáficos, económicos e humanos. A climatoloxía e a meteoroloxía son dúas disciplinas distintas, aínda que estreitamente vinculadas e inseparables. Nunha primeira aproximación aparecen trazos diferenciadores: os cultivadores da meteoroloxía son físicos e os da climatoloxía, xeógrafos. Existen, así mesmo, diferencias de obxecto, perspectiva e finalidade. O obxecto do meteorólogo é o tempo, mentres que o do xeógrafo é o clima. O meteorólogo acostuma traballar con datos ao día; en cambio, o climatólogo debe manexar series amplas de datos pasados o máis longas posibles. Hai tamén un evidente contraste de perspectiva: a do meteorólogo é prospectiva, posto que pretende a predición do tempo cara a un futuro próximo; en cambio, a visión do climatólogo é retrospectiva, ten que...

2. Estudio do clima en función das esixencias climáticas das plantas de cultivo para coñecer as condicións medias que lles son máis favorables ou desfavorables de cara a completar o seu ciclo vexetativo.

3. Estudio do clima mediante a análise da sucesión e a frecuencia dos diferentes tipos de tempo, a causa que as orixina, a súa evolución e as súas relacións coa dinámica xeral atmosférica.

4. Estudio do clima en función da súa repercusión sobre o organismo humano. Analiza as propiedades saudables ou prexudiciais dos diferentes elementos climáticos para podelos empregar con finalidades terapéuticas e tamén para determinar as condicións climáticas máis favorables á actividade do home.

5. Estudio do conxunto dos elementos climáticos que afectan a unha área extensa nun momento determinado. Indica cada un dos elementos sinalados sobre as cartas sinópticas e precisa os lugares que rexistran os mesmos valores mediante as isoliñas (isóbaras, isotermas, etc), e tamén a presenza doutros meteoros (neve, brétema).

PERSOEIRO

Avogada e política. Licenciouse en Dereito na Universidade de Yale (1973). Principiou a súa actividade profesional na Children’s Defense Foundation. En Arkansas fundou un despacho de avogados, Friends of Hillary, que se especializou en patentes e propiedade intelectual. Por este motivo, en 1991, The National Law Journal nomeouna entre os cen mellores avogados de América. Tralo acceso do seu home, Bill Clinton, á presidencia dos EE UU, encargouse de dirixir unha comisión especial sobre a reforma da sanidade en 1993 que, malia ser un dos puntos máis importantes do programa electoral, non foi aprobado. Foi elixida senadora por Nova York nas eleccións do 7 de novembro de 2000.

PERSOEIRO

Avogado e político. Coñecido como Bill Clinton, foi elixido fiscal xeral de Arkansas en 1977 e gobernador xeral deste estado en 1979, cargo que volveu ocupar en 1983 e en 1987. En 1986 e 1987 foi presidente da Asociación Nacional de Gobernadores. Foi   candidato polo Partido Demócrata   á presidencia dos EE UU nas eleccións de novembro de 1992, nas que derrotou o presidente republicano George Bush. Foi reelixido no ano 1996. Nas eleccións lexislativas de 1994 para o Senado e a Cámara de Representantes, acadaron a maioría os republicanos, co que se formou un goberno atípico. Durante o seu mandato, o papel dos EE UU consolidouse económica e politicamente no ámbito internacional: promoveu o Tratado de Libre Comercio Norteamericano (NAFTA) entre EE UU, México e Canadá, puxo fin ao embargo comercial a Vietnam, involucrouse no proceso de paz en Oriente Medio e Irlanda do Norte. No seu país reorientou a política na defensa dos dereitos humanos e pechou os últimos exercicios cun espectacular...

1. Hipertrofia do clítoris.

2. Erección patolóxica do clítoris.

3. Tendencia psiquiátrica de tipo masturbatorio, por excesiva sensibilidade do clítoris.

PERSOEIRO

Almirante macedonio. Coñecido como o Branco, seguiu a Alexandre o Grande a Asia, pero volveu a Macedonia no 324 xunto cos veteranos e dirixiu a loita contra as cidades gregas sublevadas. Recibiu a satrapía de Lidia no reparto do Imperio (321 a C), pero foi expulsado dela por Antígono (319 a C). Serviu a Poliperconte en Macedonia onde, á fronte dos exércitos, venceu a Nicanor no 318 a C; posteriormente, foi derrotado por Antígono.

PERSOEIRO

Xeneral macedonio. Coñecido como o Negro, salvou a Alexandre o Grande no paso do Gránico (334 a C) e dirixiu unha expedición contra os partos (331 a C). Substituíu como sátrapa de Bactriana a Artabazo no 328 a C. Morreu asasinado por Alexandre durante un banquete, despois de criticar o seu comportamento.